மாரடைப்புக்கு முன் உடல் தரும் எச்சரிக்கை சைகைகள் – ஒரு வாரத்திற்கு முன்பே தெரியும் முக்கிய அறிகுறிகள்!

மருத்துவர்களின் கூற்றுப்படி, Heart Attack (மாரடைப்பு) என்பது திடீரென ஏற்படுவது போல தோன்றினாலும், உண்மையில் உடல் அதற்கு முன்பே பல எச்சரிக்கை அறிகுறிகளை காட்டுகிறது. அவற்றை நாம் பெரும்பாலும் கவனிக்காமல் விடுவதால் தான் அபாயம் அதிகரிக்கிறது.

ஆய்வுகளின்படி, உலகளவில் ஆண்டுதோறும் சுமார் 1.8 கோடி உயிரிழப்புகளுக்கு இதய நோய்களே காரணமாகின்றன. இதில் பெரும்பாலானவை மாரடைப்பால் ஏற்படுகின்றன. குறிப்பாக, கொரோனா காலத்திற்குப் பிறகு மாரடைப்பு சம்பவங்கள் அதிகரித்துள்ளன என்ற கவலை பலரிடமும் உள்ளது.

ஆனால் மருத்துவர்கள் கூறுவது என்னவென்றால், மாரடைப்பு என்பது திடீர் நிகழ்வு அல்ல. குறைந்தபட்சம் ஒரு வாரத்திற்கு முன்பே உடல் சில முக்கியமான அறிகுறிகளை வெளிப்படுத்தும். அந்த அறிகுறிகளை சரியான நேரத்தில் கவனித்தால் உயிரைக் காப்பாற்ற முடியும்.

⚠️ மாரடைப்பிற்கு முன் காணப்படும் முக்கிய அறிகுறிகள்:

• அதிக சோர்வு:
  வழக்கத்திற்கு மாறாக அதிக சோர்வு அல்லது உடல் பலவீனம் உணரப்படலாம்.
• மூச்சுத்திணறல்:
  சிறிய செயல்களுக்கே மூச்சு விட சிரமம் ஏற்பட்டால் கவனிக்க வேண்டும்.
• நெஞ்சு வலி & இறுக்கம்:
  இதயப் பகுதியில் அழுத்தம் அல்லது இறுக்கமான உணர்வு ஏற்படும். இந்த வலி தோள்பட்டை, தாடை அல்லது முதுகு வரை பரவலாம்.
• அஜீரணம் & வாந்தி:
  காரணமின்றி அஜீரணம், வாந்தி அல்லது வயிற்றுப்போக்கு ஏற்படலாம். இதயத்திற்கு ரத்த ஓட்டம் குறைவதால் இது நடக்கலாம்.
• உடலில் பாரம் & எரிச்சல் உணர்வு:
  வலி இல்லாவிட்டாலும், உடல் கனமாக இருப்பது போலவும், எரிவது போலவும் தோன்றலாம்.

👩‍⚕️ பெண்கள் கவனிக்க வேண்டியது:

மருத்துவர்களின் கூற்றுப்படி, பெண்களுக்கு மாரடைப்பின் அறிகுறிகள் ஆண்களை விட தெளிவாக தெரியாமல் இருக்கலாம். அதனால், சோர்வு, மூச்சுத்திணறல் போன்ற அறிகுறிகளை அலட்சியப்படுத்தாமல் உடனடியாக மருத்துவ ஆலோசனை பெற வேண்டும்.