2021-ல் மட்டும் நான்கு படங்கள் வெளியீடு… செம பிஸியாக உலவும் நடிகர் சிவகார்த்திகேயன்!

நடிகர் சிவகார்த்திகேயனுக்கு 2021-ல் மட்டும் 4 படங்கள் வெளியாக வரிசையாகக் காத்துக் கொண்டிருக்கின்றன.

நடிகர் சிவகார்த்திகேயன் நடிகர், பாடல் ஆசிரியர், பாடகர், தயாரிப்பாளர் எனப் பல அவதாரங்களில் தமிழ் சினிமாவில் கலக்கிக் கொண்டிருக்கும் முன்னணி பிரபலம் ஆக உள்ளார். இவரது நடிப்பில் தற்போது டாக்டர் படம் வருகிற மார்ச் மாதம் வெளியீட்டுக்குத் தயாராகி உள்ளது. இந்தப் படத்தைத் தயாரித்து அதில் நடித்து பாடலும் எழுதியுள்ளார் சிவகார்த்திகேயன். இப்படத்தை நெல்சன் திலீப் குமார் இயக்க அனிருத் இசை அமைத்துள்ளார்.

அடுத்ததாக தமிழின் முதல் சயின்டிஃபிக் படமான அயலான் படத்திலும் நடித்து முடித்துள்ளார் சிவகார்த்திகேயன். இந்தப் படத்தை ரவிக்குமார் இயக்க ஏ.ஆர்.ரஹ்மான் இசை அமைத்துள்ளார். இந்தப் படம் நிச்சயமாக ஏப்ரல் அல்லது மே மாதம் திரை அரங்கில் வெளியாகும் எனக் கூறப்படுகிறது.

அடுத்ததாக தற்போது டான் என்னும் படத்தில் நடிக்க சிவகார்த்திகேயன் ஒப்பந்தம் ஆகியுள்ளார். இந்தப் படத்தின் படப்பிடிப்பு தற்போது பிப்ரவரியில் கோயம்புத்தூரில் தொடங்கி உள்ளது. இந்தப் படத்தை தீபாவளிக்கு முன்னரே ரிலீஸ் செய்ய படக்குழு முடிவு செய்துள்ளது. இந்தப் படத்தை லைகா உடன் இணைந்து சிவகார்த்திகேயன் ப்ரொடக்‌ஷன்ஸ் தயாரிக்கிறது. இதை அறிமுக இயக்குநர் சிபிச் சக்கரவர்த்தி இயக்க அனிருத் இசை அமைத்துள்ளார்.

இதற்கு அடுத்தாற்போல் முற்ற்றிலும் மாறுபட்ட கதை அம்சத்துடனான ‘வாழ்’ படத்தை சிவகார்த்திகேயன் தயாரித்து வருகிறார். அருவி படத்தை இயக்கிய அருண் பிரபு இந்தப் படத்தை இயக்கி வருகிறார்.

#FeelSong sung by #ThenisaiThendralDeva from #Vaazhl to amp your #SaturdayVibes ! ????????

➡️ https://t.co/0VzjfuZLfZ@Siva_Kartikeyan @KalaiArasu_ @SKProdOffl #ArunPrabu #PradeepKumar #ShelleyCalist @raymondcrasta @TheDhaadiBoy #Bhanu @DhawanDiva @madhuramoffl#வாழ் pic.twitter.com/hCbOgwNJ3L

— Sony Music South (@SonyMusicSouth) February 6, 2021