சினிமா செய்திகள்
யூடியூப் பிரபலம் மதன்கெளரி பிக்பாஸ் செல்கிறாரா?
விஜய் டிவியில் ஒளிபரப்பாகி வரும் பிக்பாஸ் நிகழ்ச்சி கடந்த 4 ஆண்டுகளாக வெகு சிறப்பாக நடைபெற்று முடிந்த நிலையில் ஐந்தாவது சீசன் வரும் ஜூன் மாதம் தொடங்கும் என்று எதிர்பார்க்கப்படுகிறது.
இந்த சீசனில் கலந்துகொள்ளும் போட்டியாளர்களுக்கு குறித்த தகவல்கள் அவ்வப்போது வெளிவந்து கொண்டிருக்கின்றன. நடிகர்கள் மன்சூர் அலிகான், எம்எஸ் பாஸ்கர், ராதாரவி மற்றும் ஆர்ஜே வினோத், இனியன், குக் வித் கோமாளி கனி, பவித்ரா, சுனிதா உள்பட பலர் இந்த நிகழ்ச்சியில் கலந்துகொள்ள இருப்பதாக செய்திகள் வெளியானது.
இந்த நிலையில் யூடியூப் பிரபலமான மதன் கௌரி பிக்பாஸ் நிகழ்ச்சியில் கலந்து கொள்ள இருப்பதாகவும் அவரிடம் பிக்பாஸ் நிர்வாகிகள் பேச்சுவார்த்தை நடத்தி வருவதாகவும் ஒரு தகவல் கசிந்துள்ளது.
யூட்யூபில் மிக அதிக ஃபாலோயர்கள் வைத்திருப்பவர்களில் ஒருவர் மதன் கௌரி என்பதும் இவர் பதிவு செய்யும் ஒவ்வொரு வீடியோவுக்கும் ஏராளமான பார்வையாளர்கள் குவிந்து வருவார்கள் என்பதும் ஒவ்வொரு வீடியோவிலும் இவர் சமூக அக்கறையுள்ள கருத்துக்கள் பலவற்றை பதிவு செய்து வருகிறார் என்பது குறிப்பிடத்தக்கது.
இந்த நிலையில் மதன் கௌரி பிக்பாஸ் போட்டியாளர்களில் ஒருவராக இருப்பாரா? என்பதை பொறுத்திருந்து பார்ப்போம்.