சினிமா செய்திகள்
நீச்சல் போட்டியில் இந்தியாவுக்கு வெண்கலம்… அசத்திய நடிகர் மாதவனின் மகன்..!
நடிகர் மாதவன் மகன் வேதாந்த் சர்வதேச நீச்சல் போட்டியில் இந்தியாவுக்கு வெண்கலம் பதக்கம் வென்று அசத்தி உள்ளார்.
நடிகர் மாதவனின் மகன் வேதாந்த். இவர் மிகச்சிறந்த நீச்சல் வீரர். தொடர்ந்து தேசிய, சர்வதேச நீச்சல் போட்டிகளில் பங்கேற்று பரிசுகளைக் குவித்து வருகிறார். சமீபத்தில் ஐரோப்பாவில் உள்ள லத்வியா நாட்டில் நடைபெற்ற நீச்சல் போட்டியில் இந்தியாவின் சார்பில் கலந்து கொண்டார் வேதாந்த் மாதவன்.
இந்தப் போட்டியில் இந்தியாவுக்காக வெண்கலப் பதக்கத்தைக் கைப்பற்றியுள்ளார் வேதாந்த். 15 வயதான வேதாந்த் பதக்கம் வென்றதற்கு பல தரப்பினரும் பாராட்டுகளைத் தெரிவித்து வருகின்றனர். இது குறித்து நடிகர் மாதவனும் தனது இன்ஸ்டாகிராம் பக்கத்தில் பகிர்ந்து பெருமை தெரிவித்துள்ளார்.
இந்தப் போட்டியில் இந்தியாவுக்கு 1 தங்கம் மற்றும் 2 வெண்கலம் பதக்கங்கள் கிடைத்துள்ளன என்பது குறிப்பிடத்தக்கது.
View this post on Instagram
