ஹீரோவாக எடுபடவில்லை… பிரபல ஹீரோவுக்கு வில்லன் ஆன ‘பிக்பாஸ்’ ஆரவ்..!

பிரபல ஹீரோவுக்கு வில்லன் ஆக நடிக்க உள்ளார் பிக்பாஸ் ஆரவ். ஹீரோவாக எடுபடவில்லை என ஆரவ் வில்லன் ஆக மாறியுள்ளார் என பேசப்படுகிறது.

பிக்பாஸ் சீசன் 1 மூலம் பட்டம் வென்று புகழ் பெற்றவர் ஆரவ். இவர் பிக்பாஸ் வீட்டைவிட்டு வெளியே வந்த பின்னர் மார்கெட் ராஜா, மதகஜராஜா என இரண்டு படங்களில் நாயகன் ஆக நடித்தார். ஆனால், ஹீரோ ஆக தமிழ் சினிமாவில் பெரிதாகப் பேசப்படாத ஆரவ் தற்போது வில்லன் கதாபாத்திரத்தில் நடிக்க கமிட் ஆகியுள்ளார்.

உதயநிதி ஸ்டாலின் ஹீரோ ஆக நடிக்கும் படத்தில் அவரை எதிர்க்கும் வில்லன் ஆக நடிக்க ஆரவ் ஒப்பந்தம் செய்யப்பட்டுள்ளார். இயக்குநர் மகிழ் திருமேனி இயக்கும் இந்தப் படத்தில் உதயநிதிக்கு ஜோடி ஆக நடிகை நிதி அகர்வால் நடிக்கிறார். இவர்களுடன் நடிகர் கலையரசனும் முக்கியக் கதாபாத்திரத்தில் நடிக்கிறார். இந்தப் படத்துக்கான 45 சதவிகித படப்பிடிப்பு முடிந்துவிட்டதாம்.

உதயநிதி தேர்தல் பிரசாரங்களில் பிஸியாக இருந்த போதும் மாதம் 15 நாட்கள் படப்பிடிப்பு, 15 நாட்கள் தேர்தல் வேலைகள் என இத்தனைக் காலம் பணியாற்றி வந்தாராம். தற்போது தேர்தல் தேதி அறிவிக்கப்பட்டதால் தேர்தலுக்குப் பின் மீதம் இருக்கும் படக் காட்சிகளைப் படமாக்கத் திட்டமிட்டுள்ளார்கள்.