தளபதி விஜய்யின் அடுத்த படத்தின் அதிகாரபூர்வ அறிவிப்பு!

தளபதி விஜய்யின் 66வது திரைப்படம் குறித்த தகவல்கள் அவ்வப்போது வெளிவந்து கொண்டிருந்த நிலையில் தற்போது அதிகாரபூர்வமாக அந்தப்படம் அறிவிக்கப்பட்டுள்ளது.

தளபதி விஜய்யின் 65வது திரைப்படமான ’பீஸ்ட்’ படத்தின் படப்பிடிப்பு கடந்த சில மாதங்களாக நடைபெற்று வருகிறது என்பது குறிப்பிடத்தக்கது. தற்போது இந்த படத்தின் படப்பிடிப்பு டெல்லியில் நடைபெற்று வருகிறது என்பதும் இதனை அடுத்து இந்த படத்தின் அடுத்தகட்ட படப்பிடிப்பு ரஷ்யாவில் விரைவில் நடைபெற உள்ளது என்பதும் குறிப்பிடத்தக்கது.

இந்த நிலையில் தளபதி விஜய்யின் 66 வது திரைப்படம் குறித்த அதிகாரப்பூர்வமான அறிவிப்பு வெளியாகியுள்ளது. இந்த படத்தை பிரபல தெலுங்கு இயக்குனர் வம்சி இயக்க இருப்பதாகவும் பிரபல தெலுங்கு தயாரிப்பாளர் தில் ராஜு தயாரிக்க இருப்பதாகவும் அறிவிக்கப்பட்டுள்ளது.

மேலும் இந்த படம் குறித்த புதிய ஸ்டில் ஒன்றும் வெளியாகி உள்ளதை அடுத்து தளபதி 66 என்ற ஹேஸ்டேக் தற்போது டுவிட்டர் உள்ளிட்ட இணையதளங்களில் வைரலாகி வருகிறது என்பது குறிப்பிடத்தக்கது.

‘தளபதி 66’ திரைப்படத்தின் தயாரிப்பாளர் மற்றும் இயக்குநர் அதிகாரபூர்வமாக அறிவிக்கப்பட்டுவிட்ட நிலையில் இந்த படத்தில் நடிக்கும் நடிகர் நடிகைகள் தேர்வு விரைவில் நடைபெறும் என்றும் அது குறித்து அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது. மேலும் இந்த படத்தின் படப்பிடிப்பு வரும் ஜனவரி முதல் தொடங்க இருப்பதாக தகவல்கள் வெளியாகியுள்ளன.

Official #Thalapathy66

Joining hands for the first time @actorvijay and @directorvamshi @SVC_official @DilRajuProdctns #DilRaju#VamshiPaidiPally pic.twitter.com/1tg1w7gMMY

— Diamond Babu (@idiamondbabu) September 26, 2021