விடுமுறை நாளில் வெளியாகும் கார்த்தியின் ‘விருமன்’ திரைப்படம்!

கார்த்தி நடித்த விருமன் என்ற படத்தின் படப்பிடிப்பு சமீபத்தில் முடிவடைந்த நிலையில் இந்த படம் விடுமுறை நாளில் வெளியாகும் என அதிகாரப்பூர்வமாக அறிவிக்கப்பட்டுள்ளது.

பிரபல இயக்குனர் ஷங்கரின் மகள் அதிதிஷங்கர் நாயகியாக அறிமுகமாகும் திரைப்படம் ‘விருமன்’ . முத்தையா இயக்கத்தில் கார்த்தி நடிப்பில், யுவன் இசையில் உருவாகியுள்ள இந்த படம் மதுரை அருகே உள்ள கிராமத்தில் படப்பிடிப்பு நடைபெற்றது என்பதும், இந்த படம் ஒரு கிராமத்து சப்ஜெக்ட் கதை என்பதும் குறிப்பிடத்தக்கது .

இந்த படத்தின் படப்பிடிப்பு முடிவடைந்து தற்போது போஸ்ட் புரொடக்ஷன் பணிகள் கிட்டத்தட்ட முடிவடைந்து விட்டது. இந்த நிலையில் ‘விருமன்’ திரைப்படம் ஆகஸ்ட் 31-ஆம் தேதி விநாயகர் சதுர்த்தி விடுமுறை நாளை வெளியாகும் என அதிகாரப்பூர்வமாக அறிவிக்கப்பட்டுள்ளது.

இந்த படத்தை தயாரித்துள்ளார் சூர்யாவின் 2டி என்டர்டெயின்மென்ட் நிறுவனத்தின் ட்விட்டர் பக்கத்தில் இது குறித்த அதிகாரப்பூர்வ அறிவிப்பு வெளியாகியுள்ளது என்பது குறிப்பிடத்தக்கது. இதனை அடுத்து இந்த படத்தின் புரமோஷன் பணிகளை படக்குழுவினர் தொடங்க உள்ளனர்.

கார்த்தி, அதிதி ஷங்கர், பிரகாஷ்ராஜ், சூரி, ராஜ்கிரண், மைனா நந்தினி, மனோஜ் பாரதிராஜா உள்ளிட்டோர் நடித்துள்ள இந்த படத்திற்கு செல்வகுமார் ஒளிப்பதிவும், வெங்கட்ராஜா படத்தொகுப்பு பணியும் செய்துள்ளனர். சூர்யாவின் 2டி எண்டர்டெயின்மெண்ட் நிறுவனம் இந்த படத்தை தயாரித்துள்ளது.

வரும் ஆகஸ்ட் 31-ஆம் தேதி, விநாயகர் சதுர்த்தி அன்று, வீரநடை போட்டு வருகிறான் #விருமன் ????

A @SakthiFilmFctry Release ????#VirumanFromAug31@Karthi_Offl @Suriya_offl @dir_muthaiya @thisisysr @AditiShankarofl @rajsekarpandian @prakashraaj #Rajkiran @sooriofficial @sakthivelan_b pic.twitter.com/7hGu2F2kvl

— 2D Entertainment (@2D_ENTPVTLTD) May 18, 2022