2வது திருமணம் செய்த டி.இமானுக்கு கிடைத்த 3வது மகள்: உருக்கமான பதிவு

பிரபல இசையமைப்பாளர் டி இமான் சமீபத்தில் அமலி என்ற பெண்ணை 2வது திருமணம் செய்த நிலையில் தனது திருமணம் குறித்தும் தனது குடும்பத்தினர் குறித்தும் அவர் உருக்கமான பதிவு செய்துள்ளார் .

மறைந்த கலை இயக்குனர் உபால்டு என்பவரின் மகளான அமலியை தான் திருமணம் செய்து கொண்டதாகவும் அவருக்கு ஒரு பெண் குழந்தை இருப்பதாகவும், நேத்ரா என்ற பெயர் கொண்ட அந்த குழந்தை இனி தனது மூன்றாவது மகள் என்றும் அவர் உருக்கமாக குறிப்பிட்டுள்ளார்.

இந்த திருமணத்தில் தனது 2 மகள்களை தான் மிகவும் எதிர்பார்த்ததாகவும் ஆனால் அவர்கள் வரவில்லை என்பது தனக்கு வருத்தமாக இருப்பதாகவும் அவர் கூறினார். இது தனது குடும்பத்தினர் ஏற்பாடு செய்த திருமணம் என்றும் அமலியை எனக்கு அறிமுகம் செய்து வைத்த எனது உற்றார் உறவினர்கள் பெற்றோர் அனைவருக்கும் எனது நன்றியை தெரிவித்துக் கொள்வதாகவும் அவர் தெரிவித்துள்ளார் .

நேத்ராவுடன் சேர்ந்து தனக்கு மூன்று மகள்கள் என்றும் மூன்று மகள்களையும் நல்ல நிலைக்கு கொண்டு வருவதே தனது வாழ்க்கையின் லட்சியம் என்றும் அவர் குறிப்பிட்டுள்ளார். மேலும் தன்னுடைய இக்கட்டான நேரத்தில் தனக்கு ஆதரவு கொடுத்த அனைத்து ரசிகர்களுக்கும் தனது நன்றியை தெரிவித்துக் கொள்வதாகவும் அவர் கூறியுள்ளார்.