சினிமா செய்திகள்
நடிகர் விவேக் கவலைக்கிடம் என மருத்துவமனை அறிவிப்பு: ரசிகர்கள் அதிர்ச்சி!
பிரபல காமெடி நடிகர் விவேக் அவர்கள் இன்று காலை மாரடைப்பு காரணமாக மருத்துவமனையில் அனுமதிக்கப்பட்டு இருந்தார் என்ற செய்தியை ஏற்கனவே பார்த்தோம். அவருக்கு சென்னை வடபழனியில் உள்ள தனியார் மருத்துவமனையில் சிகிச்சை அளிக்கப்பட்டு வருகிறது. மருத்துவர்கள் தீவிர சிகிச்சை பிரிவில் அவருக்கு சிகிச்சை அளித்து வருகிறார்கள் என்பதும் அவருக்கு ஆஞ்சியோகிராம் மற்றும் எக்மோ ஆகிய கருவிகள் பொருத்தப்பட்டு சிகிச்சை அளிக்கப்பட்டு வருகிறது என்பதும் குறிப்பிடத்தக்கது.
இந்த நிலையில் விவேக்கிற்கு சிகிச்சை அளித்துவரும் மருத்துவமனை சற்றுமுன் அறிக்கை ஒன்றை வெளியிட்டுள்ளது. அதில் விவேக் அவர்கள் இன்று காலை 11 மணிக்கு மருத்துவமனையில் அனுமதிக்கப்பட்டார் என்றும் அவரது உடல்நிலையை ஆய்வு செய்ததில் அவருக்கு உடனடியாக ஆஞ்சியோகிராம் மற்றும் எக்மோ கருவிகள் இணைக்க வேண்டியது அவசியம் என்பதை புரிந்து கொண்டோம் என்றும் அவருக்கு தற்போது தீவிர சிகிச்சை அளிக்கப்பட்டு வருகிறது என்றும் கூறியுள்ளது.
மேலும் மாரடைப்பு காரணமாக அவருடைய உடல்நிலை கவலைக்கிடமாக இருப்பதாகவும் ஆனால் அதே நேரத்தில் கோவிட் தடுப்பூசி போட்டுக் கொண்டதால் அவருக்கு இந்த பிரச்சனை வரவில்லை என்றும் இதுவும் அதுவும் தனித்தனி பிரச்சனைகள் என்றும் கூறப்பட்டுள்ளது. இந்த அறிவிப்பு பெரும் பரபரப்பை ஏற்படுத்தியுள்ளது.