சினிமா செய்திகள்
திரைப்பட டிக்கெட் விலை உயர்வுக்கு அரசு அனுமதி
பிரபாஸ் நடிப்பில் உருவாகியுள்ள ‘ராஜாசாப்’ திரைப்படம் வரும் ஜனவரி 9 அன்று திரையரங்குகளில் வெளியாக உள்ளது. இந்த படத்திற்கு டிக்கெட் விலை உயர்த்த ஆந்திரப் பிரதேச அரசு அனுமதி வழங்கியுள்ளது. இதன்படி, வெளியீட்டுக்கு முந்தைய நாள் ஜனவரி 8 அன்று நடைபெறும் சிறப்பு காட்சிகளுக்கு டிக்கெட் கட்டணம் ரூ.1000 ஆக நிர்ணயிக்கப்பட்டுள்ளது.
மேலும், வெளியீட்டு நாளான ஜனவரி 9 முதல் 10 நாட்கள் வரை, சிங்கிள் ஸ்க்ரீன் திரையரங்குகளில் டிக்கெட் விலை ரூ.297 ஆகவும், மல்டிபிளெக்ஸ் திரையரங்குகளில் ரூ.377 ஆகவும் வசூலிக்க அனுமதி அளிக்கப்பட்டுள்ளது. பெரும் எதிர்பார்ப்புடன் வெளியாகும் இந்த படத்திற்கான டிக்கெட் விலை உயர்வு, ரசிகர்கள் மற்றும் திரையுலக வட்டாரங்களில் கவனம் பெற்றுள்ளது.
