ஆரோக்கியம்
இதய தமனிகளில் அடைப்பை ஏற்படுத்தும் ஆபத்தான பானங்கள் – தவிர்க்க வேண்டியவை இவை!
இதய தமனிகளை பாதிக்கும் ஆபத்தான பானங்கள் – எச்சரிக்கையாக இருங்கள்!
இதய தமனிகள் (Arteries) உடலின் முக்கிய இரத்த நாளங்கள் ஆகும். ஆக்சிஜன் நிறைந்த இரத்தத்தை இதயத்திலிருந்து உடலின் அனைத்து பாகங்களுக்கும் கொண்டு செல்லும் இந்த தமனிகளில் அடைப்பு ஏற்படும் போது, பல ஆபத்தான நோய்கள் உருவாகின்றன. இதை அதிரோஸ்கிளிரோசிஸ் (Atherosclerosis) என்று அழைக்கப்படுகிறது, இது மாரடைப்பு மற்றும் பக்கவாதத்திற்கு முக்கிய காரணமாகும்.
இதய தமனிகளில் கொழுப்பு மற்றும் கொலஸ்ட்ரால் சேர்வதால், ரத்த ஓட்டம் குறைந்து, இதய நோய், பிபி பிரச்சினைகள் உள்ளிட்ட பல சிக்கல்களுக்கு வழிவகுக்கும். இதற்கு உணவுப் பழக்கங்கள் மட்டுமல்லாமல், நமது தினசரி பான பழக்கங்களும் காரணமாகின்றன. இந்த மாதிரியான பானங்களை பற்றி அறிந்து, அவற்றைத் தவிர்ப்பது அவசியம்.
1. சோடா பானங்கள்
அதிக அளவு சர்க்கரை மற்றும் ஹை ப்ரக்டோஸ் கார்ன் சிரப் (High Fructose Corn Syrup) கொண்ட சோடா பானங்கள் இரத்த நாளங்களில் கொழுப்பை அதிகரிக்கின்றன. இதனால் தமனிகளில் அடைப்பு ஏற்பட்டு, இதய நோய்களின் அபாயம் அதிகரிக்கும்.
2. காஃபின் பானங்கள்
ஆற்றல் பானங்கள் (Energy Drinks) அதிகமான காஃபின், சர்க்கரை மற்றும் கிரீம்களால் நிரம்பியுள்ளன. இவை இரத்த அழுத்தத்தை (BP) அதிகரித்து, இரத்த நாளங்களில் வீக்கத்தை ஏற்படுத்தும். இதனை அளவுக்கு அதிகமாக அருந்தினால், இளம் வயதினரிடமே இதய நோய்களின் அபாயம் உருவாகிறது.
3. செயற்கை பழச்சாறு
பேக் செய்யப்பட்ட செயற்கை பழச்சாறுகளில் சர்க்கரை மற்றும் பிரிசர்வேட்டிவ்கள் சேர்க்கப்பட்டுள்ளன. இயற்கையானது என கருதி இவை அதிகமாக அருந்தினால், இரத்தத்தில் சர்க்கரை அளவைக் கூடச் செய்யும், இதனால் தமனிகளில் கொழுப்பு குவிவதற்கான வாய்ப்பு அதிகரிக்கும்.
4. மில்க் ஷேக்ஸ் மற்றும் ஸ்மூத்திகள்
மில்க் ஷேக் மற்றும் பேக்கேஜ் செய்யப்பட்ட ஸ்மூத்திகளில் அதிகமான சர்க்கரை, செயற்கை நிறங்கள் மற்றும் கிரீம்கள் உள்ளன. இவற்றை தொடர்ந்து குடிப்பதனால், கொழுப்பும், கொலஸ்ட்ராலும் தமனிகளில் சேரும் அபாயம் உள்ளது.
5. மதுபானம்
மதுபானங்களை அளவிற்கு அதிகமாக அருந்துவது, தமனிகளில் கொழுப்பு குவியவும், கல்லீரலை பாதிக்கவும் வழிவகுக்கும். இது மட்டுமல்லாமல், இதய நோய்களின் அபாயத்தையும் அதிகரிக்கிறது.
தவறான பழக்கவழக்கங்களை திருத்துவது அவசியம்
இன்றைய மாறிவரும் வாழ்க்கை முறையும், ஆரோக்கியமற்ற பான பழக்கவழக்கங்களும், இதய நோய்களை அதிகரிக்க செய்கின்றன. இதய தமனிகளில் அடைப்பு ஏற்படுவதைத் தவிர்க்க, சர்க்கரை, கொழுப்பு, மற்றும் கெமிக்கல்களால் நிரம்பிய பானங்களைத் தவிர்க்க வேண்டும். தமனிகளை ஆரோக்கியமாக வைத்திருக்க, இயற்கையான பானங்களைத் தேர்வு செய்வது நல்லது.
உடல் ஆரோக்கியத்தை பாதுகாக்க, உங்கள் தினசரி பானங்களை சீராக மாற்றுங்கள்!
