விஜய், அஜித்துக்கு அடுத்து விஜய் சேதுபதி: தொடர்ந்து முன்னேற்றம்!

நடிகர் விஜய் சேதுபதி தமிழ் சினிமாவில் தனக்கென ஒரு இடத்தையும், ரசிகர் பட்டாளத்தை வைத்துள்ளார். இவர் பிரபல முன்னணி நடிகர்களான அஜித், விஜய் போன்று தொடர்ந்து முன்னேறி வருகிறார். அதற்கு உதாரணமாக அஜித், விஜய் ஆகியோரை வைத்து படம் தயாரித்த நிறுவனம் ஒன்று தற்போது விஜய் சேதுபதியை வைத்து படம் தயாரிக்க உள்ளது.

நடிகர் விஜய் சேதுபதி தொடர்ந்து பல திரைப்படங்களில் நடித்து வருகிறார். அவரது படங்கள் தொடர்ந்து மக்களின் ஆதரவை பெற்று வருகிறது. தன் கைவசம் பல படங்களை வைத்துள்ள விஜய் சேதுபதியின் செக்கச்சிவந்த வானம், 96 ஆகிய படங்கள் இந்த மாதத்தில் வரிசையாக திரைக்கு வர உள்ளது. இன்னமும் கைவசம் பல படங்களை வைத்துள்ளார் விஜய் சேதுபதி.

இவர் அடுத்ததாக இயக்குநர் விஜய் சந்தர் இயக்கும் புதிய படத்தில் நடிக்கவுள்ளார். இதனை பிரபல தயாரிப்பு நிறுவனமான விஜயா புரொடக்‌ஷன்ஸ் தயாரிக்கவுள்ளது. தமிழ் சினிமாவின் முன்னணி பட நிறுவனங்களுள் ஒன்று விஜயா புரொடக்‌ஷன். இந்த நிறுவனம் சமீபத்தில் விஜய்யின் பைரவா, அஜித்தின் வீரம் போன்ற படங்களை தயாரித்தது. அடுத்ததாக தற்போது விஜய் சேதுபதி நடிக்க உள்ள படத்தை தயாரிக்க உள்ளது.