Toxic Review: ஸ்டைல் அதிகம், கதை குறைவு..!

யஷ் நடிப்பில் உருவாகியுள்ள ‘Toxic’ திரைப்படம் மிகப்பெரிய எதிர்பார்ப்புகளுக்கு மத்தியில் வெளியாகியுள்ளது. KGF படங்களின் வெற்றிக்குப் பிறகு யஷ் நீண்ட இடைவெளிக்குப் பிறகு நடித்துள்ள படம் என்பதால், ரசிகர்கள் மத்தியில் இப்படத்திற்கு மிகுந்த எதிர்பார்ப்பு நிலவியது. இயக்குநர் கீது மோகன்தாஸ் இயக்கியுள்ள இந்தப் படம் பிரம்மாண்டமான உருவாக்கம், ஸ்டைலிஷான காட்சிகள் மற்றும் யஷின் மாஸ் திரை இருப்பை முன்னிறுத்துகிறது.

முதல் பாதி எப்படி?

படத்தின் முதல் பாதியில் யஷ் வரும் ஒவ்வொரு காட்சியும் மிகவும் ஸ்டைலிஷாக அமைக்கப்பட்டுள்ளது. அவரது உடல்மொழி, நடிப்பு மற்றும் திரை இருப்பு ரசிகர்களை கவரும் வகையில் இருக்கிறது. குறிப்பாக படத்தின் தொடக்க காட்சிகள் மற்றும் ஆக்ஷன் காட்சிகளில் இயக்குநர் பிரம்மாண்டத்தை வெளிப்படுத்தியிருக்கிறார்.

1947-ம் ஆண்டு கோவாவை பின்னணியாகக் கொண்டு கதை நகர்கிறது. போதைப்பொருள் மற்றும் மாஃபியா கும்பல்களைச் சுற்றி கதை அமைந்துள்ளதாக தெரிகிறது. ராயா என்ற கதாபாத்திரத்தில் யஷ் நடிக்கிறார். சால்வடார் தலைமையிலான கும்பலுடன் ராயா தொடர்பில் இருப்பதாக காட்சிகள் அமைக்கப்பட்டுள்ளன.

நயன்தாரா, ராயாவின் சகோதரி கங்கா கதாபாத்திரத்தில் நடித்துள்ளார். கியாரா அத்வானி, ஹுமா குரேஷி, தாரா சுதாரியா மற்றும் ருக்மிணி வசந்த் ஆகியோரும் முக்கிய கதாபாத்திரங்களில் நடித்துள்ளனர்.

ஸ்டைலிஷான காட்சிகள் – ஆனால் கதை?

‘Toxic’ படத்தின் மிகப்பெரிய பலமாக அதன் காட்சியமைப்பும் யஷின் திரை இருப்பும் இருக்கிறது. ஒவ்வொரு பிரேமும் மிகவும் பிரம்மாண்டமாகவும், ஹாலிவுட் பாணியிலும் உருவாக்கப்பட்டுள்ளது.

ஆனால் காட்சிகளுக்கு இடையேயான கதை தொடர்பு மற்றும் கதாபாத்திரங்களின் நோக்கம் தெளிவாக இல்லாதது சற்று பின்னடைவாக தெரிகிறது. அதிகப்படியான எலிவேஷன் காட்சிகள் மற்றும் வன்முறை காட்சிகள் இடம்பெற்றுள்ள நிலையில், அவை கதையுடன் எந்த அளவுக்கு இணைகின்றன என்பது கேள்வியாக உள்ளது.

வசனங்கள் மற்றும் டப்பிங் சில இடங்களில் தாக்கத்தை ஏற்படுத்தினாலும், கதையின் தொடர்ச்சியில் தடுமாற்றம் இருப்பதாக தெரிகிறது. பார்வையாளர்கள் கதைக்குள் உணர்வுபூர்வமாக இணைவதற்கு தேவையான அழுத்தமான காட்சிகள் குறைவாக இருப்பதாகவும் விமர்சனங்கள் தெரிவிக்கின்றன.

படத்தின் குறிப்பிடத்தக்க அம்சங்கள்

• யஷின் ஸ்டைலிஷான Raya கதாபாத்திரம்
• ஆரம்பகட்ட கல்லறை காட்சி
• Royal Circus ஆக்ஷன் காட்சி
• ‘Tabahi’ பாடல்
• பிரம்மாண்டமான Art Design
• ஒளிப்பதிவு மற்றும் காட்சியமைப்பு
• யஷின் திரை இருப்பு

இரண்டாம் பாதி முக்கியம்

முதல் பாதியில் உருவாகும் குழப்பங்களுக்கு இரண்டாம் பாதியில் சரியான விளக்கம் கிடைக்குமா என்பதே முக்கியமான கேள்வியாக உள்ளது. கதாபாத்திரங்களின் பின்னணி, மாஃபியா உலகத்தின் தொடர்புகள் மற்றும் கதையின் மைய நோக்கம் ஆகியவை தெளிவாக விளக்கப்பட்டால் படம் வலுப்பெற வாய்ப்பு உள்ளது.

யஷின் ஸ்டைல் மற்றும் மாஸ் திரை இருப்பு நிச்சயம் ரசிகர்களை கவரும். ஆனால் ஒரு படத்தை வெற்றியடையச் செய்வதற்கு பிரம்மாண்டமான காட்சிகளுடன் வலுவான திரைக்கதை மற்றும் உணர்வுபூர்வமான கதை சொல்லலும் அவசியம்.

மொத்தத்தில், ‘Toxic’ படத்தில் ஸ்டைல் sky-high ஆக இருந்தாலும், கதை பார்வையாளர்களுடன் இணைவதில் சற்று தடுமாறுகிறது. இரண்டாம் பாதை வலுவாக இருந்தால் மட்டுமே படம் முழுமையான தாக்கத்தை ஏற்படுத்தும்.

Toxic – USA Premiere Show Live Updates

‘KGF’ படங்களின் பிரம்மாண்ட வெற்றிக்குப் பிறகு யஷ் நீண்ட இடைவெளி எடுத்துத் தேர்வு செய்துள்ள படம் ‘Toxic’. மிகப்பெரிய பட்ஜெட்டில் உருவாக்கப்பட்டுள்ள இந்தப் படத்தை கீது மோகன்தாஸ் இயக்கியுள்ளார்.

யஷ் முக்கிய கதாபாத்திரத்தில் நடிக்க, கியாரா அத்வானி, நயன்தாரா, ஹுமா குரேஷி, தாரா சுதாரியா மற்றும் ருக்மிணி வசந்த் ஆகியோர் முக்கிய வேடங்களில் நடித்துள்ளனர். படம் கன்னடம் மற்றும் ஆங்கிலத்தில் உருவாக்கப்பட்டு, தமிழ், தெலுங்கு, இந்தி மற்றும் மலையாள மொழிகளிலும் வெளியாகிறது.

KVN Productions மற்றும் Monster Mind Creations இணைந்து தயாரித்துள்ள ‘Toxic’ திரைப்படம் மாஃபியா உலகத்தை மையமாகக் கொண்ட பிரம்மாண்டமான ஆக்ஷன் படமாக உருவாகியுள்ளது.

Toxic USA Premiere Show Live Updates:
செவ்வாய்க்கிழமை மாலை 5:15 PM CST முதல் நேரலை அப்டேட்கள் தொடர்ந்து வழங்கப்படும். இந்தப் பக்கத்தை Refresh செய்து தொடர்ந்து புதிய அப்டேட்களைப் பார்க்கலாம்.

Toxic Review – இறுதி வார்த்தை:
“ஸ்டைல் உச்சத்தில்… ஆனால் கதையின் கனெக்ஷன் இன்னும் தேவை!”