அருண்ராஜா காமராஜ் படத்தை முடித்து கொடுப்பாரா உதயநிதி? புதிய தகவல்!

திமுக இளைஞரணி தலைவரும் சேப்பாக்கம் தொகுதி எம்எல்ஏவுமான உதயநிதி ஸ்டாலின் ஏற்கனவே கமிட்டான திரைப்படங்களை முடித்து கொடுப்பாரா? என்பது குறித்த தகவல் தற்போது வெளிவந்துள்ளது.

சமீபத்தில் நடைபெற்ற தேர்தலில் திமுக அமோக வெற்றி பெற்று ஆட்சியை பிடித்தது என்பதும் திமுக இளைஞரணி தலைவர் உதயநிதி ஸ்டாலின் சேப்பாக்கம் தொகுதியில் வெற்றி பெற்றதை அடுத்து அந்த தொகுதியில் தற்போது தீவிரமாக பணிகளை செய்து வருகிறார் என்பது குறிப்பிடத்தக்கது.

ஒவ்வொரு நாளும் சேப்பாக்கம் தொகுதியில் ஒவ்வொரு பகுதிக்கு சென்று அவர் மக்களின் தேவைகளை பூர்த்தி செய்து வருகிறார் என்பதும் இது குறித்த புகைப்படங்கள் வீடியோக்கள் வைரலாகி வருகிறது என்பதும் குறிப்பிடத்தக்கது. எனவே தனது தொகுதி பணிகளில் பிசியாக இருக்கும் உதயநிதி ஏற்கனவே ஒப்புக் கொண்ட படங்களை முடித்துக் கொடுப்பாரா? என்ற கேள்வி தற்போது எழுந்துள்ளது.

குறிப்பாக அருண்ராஜா காமராஜ் இயக்கத்தில் ’ஆர்டிக்கிள் 15’ நின்ற திரைப்படத்தின் ரீமேக் படத்தில் உதயநிதி நடித்து வந்தார். இந்த படத்தின் இரண்டு கட்ட படப்பிடிப்புகள் ஏற்கனவே முடிந்துவிட்டது என்பது குறிப்பிடத்தக்கது. கொரோனா பிரச்சனை, தேர்தல் காரணமாக இந்த படத்தின் அடுத்தகட்ட படப்பிடிப்பு நிறுத்தப்பட்டு இருந்த நிலையில் தற்போது உதயநிதி ஸ்டாலின் அரசியலில் பிஸியாக இருப்பதால் இந்த படத்தை முடித்துக் கொடுப்பாரா? என்ற கேள்வி எழுந்து உள்ளது.

இந்த நிலையில் தற்போது கிடைத்துள்ள தகவலின்படி ஆகஸ்ட் 15ஆம் தேதிக்கு பின்னர் உதயநிதி படப்பிடிப்புக்கு வர ஒப்புக்கொண்டிருப்பதாகவும் இதற்கான பணி தற்போது நடைபெற்று வருவதாகவும் கூறப்படுகிறது. ஆனால் அதே நேரத்தில் இந்த படத்திற்கு பின்னர் தொடர்ந்து உதயநிதி நடிப்பாரா என்பதை பொறுத்திருந்துதா பார்க்க வேண்டும்.