விஜய்க்கு ரூ.100 கோடி சம்பளம்: உறுதியானது ‘தளபதி 67’ திரைப்படம்

தளபதி விஜய் நடித்து வரும் ’தளபதி 66’ படத்தின் படப்பிடிப்பு நடைபெற்று வரும் நிலையில் ‘தளபதி 67’ படம் கிட்டத்தட்ட உறுதி செய்யப்பட்டுள்ளதாக தகவல் வெளியாகியுள்ளது.

‘மாஸ்டர்’ தயாரித்த லலித் தான் ‘தளபதி 67’ படத்தின் தயாரிப்பாளர் என்றும் இந்தப் படத்திற்காக அவர் விஜய்க்கு 100 கோடி ரூபாய் சம்பளம் தர ஒப்புக் கொண்டதாகவும் கூறப்படுகிறது .

விஜய் தற்போது ‘தளபதி 66’ படத்தில் நடித்து கொண்டிருக்கும் நிலையில் இந்த படத்தை முடித்தவுடன் அவர் ‘தளபதி 67’ படத்தின் படப்பிடிப்பில் கலந்து கொள்வார் என்று எதிர்பார்க்கப்படுகிறது .

மேலும் மாஸ்டர் படத்தின் இயக்குனர் லோகேஷ் கனகராஜ் தான் ‘தளபதி 67’ படத்தின் இயக்குனர் என்றும் மாஸ்டர் படத்தின் இசை அமைப்பாளர் அனிருத் தான் ‘தளபதி 67’ படத்தின் இசையமைப்பாளர் என்றும் கூறப்படுகிறது.

இந்த படம் குறித்த அதிகாரப்பூர்வ அறிவிப்பு ஆகஸ்ட் மாதம் வெளியாகும் என்றும் நவம்பர் மாதம் இந்த படத்தின் படப்பிடிப்பு தொடங்கும் என்றும் அடுத்த ஆண்டு ஏப்ரல் 14ஆம் தேதி இந்த படம் வெளியாகும் என்றும் கூறப்படுகிறது.