பிக்பாஸ் தமிழ் சீசன் 5 நிகழ்ச்சியில் யார் யார்? கசிந்த தகவல்கள்

பிக்பாஸ் தமிழ் சீசன் 5 வரும் ஜூன் மாதம் விஜய் டிவியில் தொடங்கும் என்று எதிர்பார்க்கப்பட்ட நிலையில் இந்த சீசனில் கலந்துகொள்ள இருக்கும் போட்டியாளர்கள் குறித்த தகவல்கள் அவ்வப்போது கசிந்து வருகின்றன.

அந்த வகையில் தற்போது வந்துள்ள தகவலின்படி இந்த சீசனில் பிளாக் ஷீப் யூடியூப் சேனலில் உரிமையாளரும் ஆர்ஜேவுமான வினோத் இடம்பெற வாய்ப்பு இருப்பதாக கூறப்படுகிறது. டைமிங் காமெடி செய்வதில் வல்லவரான இவர் பிக்பாஸ் நிகழ்ச்சியில் கலந்து கொண்டால் பிக்பாஸ் நிகழ்ச்சி கலகலப்பாக இருக்கும் என்று எதிர்பார்க்கப்படுகிறது
அதேபோல் நடிகர் மன்சூர்அலிகான், ராதாரவி உள்ளிட்ட ஒரு சிலரிடம் பிக்பாஸ் குழு பேச்சுவார்த்தை நடத்தி வருவதாகவும், சீரியல் நடிகைகள் சிலரிடமும் பேச்சுவார்த்தை நடத்தி வருவதாகவும் கூறப்படுகிறது.

மேலும் இந்த சீசனில் 3 பாடகர்களிடம் பிக்பாஸ் நிர்வாக குழு பேச்சுவார்த்தை நடத்தி வருகிறது. பாடகர்கள் அந்தோணி தாஸ், என்ஜாய் என்ஜாமி பாடலை பாடிய தெருக்குரல் அறிவு மற்றும் முன்னணி பாடகர் ஒருவர் ஆகிய மூவரிடமும் பேச்சுவார்த்தை நடத்தப்பட்டு வருவதாகவும் இவர்களில் ஒருவர் தேர்வு செய்யப்பட வாய்ப்பு இருப்பதாகவும் கூறப்படுகிறது.

அதேபோல் குக் வித் கோமாளி நிகழ்ச்சியில் பங்கேற்றுள்ள கனி, சுனிதா, பவித்ரா ஆகியோர்களிடம் ஏற்கனவே பேச்சுவார்த்தை நடத்தப்பட்டு கிட்டத்தட்ட உறுதி செய்யப்பட்டு விட்டது. இந்த நிலையில் பிக்பாஸ் நிகழ்ச்சியில் கலந்துகொள்ளும் போட்டியாளர்களின் தகவல்கள் குறித்து கசிந்து கொண்டிருந்தாலும் பிக்பாஸ் தொடங்கும் அன்றுதான் இதில் கலந்துகொள்ளும் போட்டியாளர்களுக்கு யார் யார் என்பது உண்மையாகவே தெரியவரும்.