வீட்டிலே எளிதாக செய்யலாம் – மொறுமொறுப்பான பிரட் சமோசா ரெசிபி!

 வீட்டிலே செய்யலாம் மொறுமொறுப்பான பிரட் சமோசா ரெசிபி

மாலை நேரத்தில் டீ அல்லது காபியுடன் சாப்பிட ஏதாவது சுவையான ஸ்நாக்ஸ் வேண்டுமா? உங்கள் வீட்டில் இருக்கும் சில சாதாரண பொருட்களாலேயே பிரட் சமோசா செய்து சுவையாக சாப்பிடலாம். கடையில் கிடைக்கும் சமோசாவை விட இது மிக சுவையாகவும், எளிமையாகவும் இருக்கும்.

மழை பெய்யும் நேரத்தில் இந்த பிரட் சமோசா சாப்பிட ஒரு வேறு லெவல் அனுபவம் தரும். குழந்தைகள் முதல் பெரியவர்கள் வரை அனைவரும் விரும்பிச் சாப்பிடக்கூடிய சிறந்த ஸ்நாக்ஸ் இதுதான்.

🧂 தேவையான பொருட்கள்:

• எண்ணெய் – 1 டேபிள் ஸ்பூன்

• சீரகம் – ½ டீஸ்பூன்

• வெங்காயம் – ½ (பொடியாக நறுக்கியது)

• பூண்டு – 2 பல்

• பச்சை மிளகாய் – 1

• இஞ்சி – சிறிய துண்டு

• பச்சை பட்டாணி – ¼ கப்

• வேக வைத்த உருளைக்கிழங்கு – 2 (மசித்தது)

• மஞ்சள் தூள் – 1 சிட்டிகை

• கரம் மசாலா – ½ டீஸ்பூன்

• மிளகாய் தூள் – ½ டீஸ்பூன்

• உப்பு – சுவைக்கேற்ப

• கொத்தமல்லி – சிறிது

• பிரட் துண்டுகள் – 5

• எண்ணெய் – பொரிக்க தேவையான அளவு

👩‍🍳 செய்முறை:

1. ஒரு வாணலியில் எண்ணெயை சூடாக்கி, அதில் சீரகம் சேர்த்து தாளிக்கவும்.

2. நறுக்கிய வெங்காயத்தை சேர்த்து, கண்ணாடி நிறம் வரும் வரை வதக்கவும்.

3. இஞ்சி, பூண்டு, பச்சை மிளகாய் ஆகியவற்றை மிக்சரில் அரைத்து, அதனை வாணலியில் சேர்த்து வதக்கவும்.

4. பின் பச்சை பட்டாணியை சேர்த்து சில நிமிடம் வதக்கவும்.

5. அதன்பின் மசித்த உருளைக்கிழங்கு, மஞ்சள் தூள், கரம் மசாலா, மிளகாய் தூள், உப்பு சேர்த்து நன்றாக கிளறி 2 நிமிடம் வதக்கவும்.

6. கடைசியாக கொத்தமல்லி தூவி கிளறி இறக்கவும் – மசாலா தயார்.

7. பிரட் துண்டுகளின் முனைகளை வெட்டி, நடுவே மசாலாவை வைத்து முக்கோண வடிவில் மடித்து, சிறிது நீரால் ஓரம் ஒட்டவும்.

8. அனைத்து துண்டுகளையும் இவ்வாறு தயாரித்து வைக்கவும்.

9. கடைசியாக எண்ணெயை சூடாக்கி, பிரட் சமோசாக்களை பொன்னிறமாக பொரித்து எடுத்தால் — சுவையான பிரட் சமோசா ரெடி!