’அஜித் 62’ படத்தின் தயாரிப்பாளர், இயக்குனர் இசையமைப்பாளர் இவர்கள் தான்!

அஜித்தின் 61 வது படத்தை போனிகபூர் தயாரிக்க இருக்கிறார் என்பதும் எச் வினோத் இயக்கி இருக்கிறார் என்பதும் ஜிப்ரான் இசையமைக்க உள்ளார் என்பதும் தெரிந்ததே. இந்த படத்தின் படப்பிடிப்பு அடுத்த மாதம் ஹைதராபாத்தில் தொடங்க உள்ளது. இந்த நிலையில் அஜித்தின் 62வது படம் குறித்த தகவல் தற்போது வெளிவந்துள்ளது.

அஜித்தின் 61வது படத்தின் படப்பிடிப்பு மூன்று மாதங்களில் முடிக்க திட்டமிடப்பட்டுள்ளது. எனவே வரும் அக்டோபர் மாதம் அஜித்தின் 62வது படத்தின் படப்பிடிப்பு தொடங்கும் என்று தகவல் வெளியாகியுள்ளது .

அஜித் 62 படத்தை லைக்கா நிறுவனம் தயாரிக்க இருப்பதாகவும், முதன்முதலாக அஜித்தின் படத்தை லைகா தயாரிக்க முன்வந்துள்ளது உள்ளது என்பது குறிப்பிடத்தக்கது.

இந்த படத்தை விக்னேஷ் சிவன் அல்லது விஷ்ணு வர்த்தன் இயக்க இருப்பதாகவும் அனிருத் இசையமைக்க இருப்பதாகவும் தகவல்கள் வெளியாகி உள்ளன. பொதுவாக அஜீத் ஒரு தயாரிப்பாளரின் படத்தில் நடிக்கத் தொடங்கி விட்டால் அதே தயாரிப்பாளருக்கு இரண்டு அல்லது மூன்று படங்களுக்கு வாய்ப்பு கொடுப்பார். அதேபோல் லைகாவுக்கும் கொடுப்பாரா என்பதை பொறுத்திருந்துதான் பார்க்கவேண்டும்.