குட் பேட் அக்லி முதல் பாடல் ப்ரமோ – தீயாய் எகிறும் ‘OG Sambavam’!

அஜித் குமார் நடிப்பில் உருவாகியிருக்கும் குட் பேட் அக்லி திரைப்படத்தின் முதல் பாடல் ‘OG Sambavam’ ப்ரமோ வீடியோ வெளியிடப்பட்டு ரசிகர்களிடம் பரபரப்பை ஏற்படுத்தியுள்ளது. ஆதிக் ரவிச்சந்திரன் இயக்கத்தில், GV பிரகாஷ் இசையமைப்பில் உருவாகியுள்ள இப்படத்தின் முதல் பாடல் நாளை (மார்ச் 18) மாலை 5.05 மணிக்கு வெளியாகும் என அதிகாரப்பூர்வமாக அறிவிக்கப்பட்டுள்ளது.

 ப்ரமோ வீடியோவை தூக்கி போடும் ரசிகர்கள்!

இப்படத்தின் ப்ரமோ வீடியோவை தயாரிப்பு நிறுவனம் மைத்ரி மூவி மேக்கர்ஸ் வெளியிட்டுள்ளது. இதில், இசையமைப்பாளர் GV பிரகாஷ், இயக்குநர் ஆதிக் ரவிச்சந்திரன் ஆகியோர் இணைந்து பாடியிருப்பது ரசிகர்களுக்கு பெரிய சர்ப்ரைஸாக அமைந்துள்ளது.

ஜிவி பிரகாஷ் “தொண்டை கிழிந்து விடும்” என கூற, அதற்கு ஆதிக் ரவிச்சந்திரன் “அதெல்லாம் பிரச்சனை இல்லை” என்று பதிலளித்து ‘AK’ என்று கத்துகிறார். இதனுடன் ப்ரமோ வீடியோ முடிவடைகிறது. இந்த வீடியோ வெளியாகியவுடன் GBU (Good Bad Ugly) படத்தின் மீதான எதிர்பார்ப்பு மேலும் அதிகரித்துள்ளது.

 அஜித்தின் கம்-பேக் படம் ஆகுமா?

அஜித் நடித்து வெளியான சமீபத்திய படங்கள் மிகப்பெரிய வரவேற்பை பெறாததால், இந்த படம் அவருக்கு மிக முக்கியமானதாக உள்ளது. ரசிகர்கள் பெரிதும் எதிர்பார்த்துள்ள குட் பேட் அக்லி படம், அஜித்தின் கெம்பேக் படமாக அமையுமா? என்ற எதிர்பார்ப்பு எழுந்துள்ளது.

அவரின் முன்னணி படங்கள் மங்காத்தா, எண்ணை அறிந்தால் போன்றவை ரசிகர்களால் மிகப்பெரிய அளவில் கொண்டாடப்பட்டாலும், அதன் பிறகு விஸ்வாசம், வலிமை, துணிவு போன்ற வெற்றிகள் இருந்தபோதிலும், ரசிகர்கள் “ரியல் அஜித்” ஸ்டைல் படம் வரவில்லை என்று கூறி வந்தனர். அதனால் GBU படத்தின் டீசர் மற்றும் பாடல் ப்ரமோ வெளியாகி ரசிகர்களின் ஆவலை எகிற வைத்துள்ளது.

அஜித்தின் அடுத்த திட்டம்?

குட் பேட் அக்லி படத்திற்குப் பிறகு அஜித் எந்த இயக்குநருடன் இணைய இருக்கிறார் என்பது குறித்து எந்த தகவலும் அதிகாரப்பூர்வமாக இல்லை. தனுஷ் இயக்கத்தில் நடிக்கலாம், பிரசாந்த் நீலுடன் இணையலாம் என தகவல்கள் பரவி வருகின்றன. ஆனால் சமீபத்தில் அஜித் தனது முழு கவனத்தையும் கார் ரேசிங் மீது செலுத்த இருக்கிறார் என்ற செய்தியும் வைரலாகி வருகிறது.

இந்த விஷயத்தில் அஜித் அதிகாரப்பூர்வமாக தகவல் தெரிவிக்குமா? என்பதை ரசிகர்கள் ஆவலுடன் எதிர்பார்த்துள்ளனர்.