அஜித் – விக்னேஷ் சிவன் படத்தில் திடீர் திருப்பம்: நயன்தாராவுக்கு பதில் இந்த நடிகைய?

அஜித் நடிக்கவிருக்கும் அடுத்த திரைப்படத்தை விக்னேஷ் சிவன் இயக்கயிருக்கிறார் என்பது தெரிந்ததே. இந்த நிலையில் இந்த படத்தின் நாயகியாக நயன்தாரா நடிப்பார் என்று கூறப்பட்ட நிலையில் தற்போது அவர் இந்த படத்தில் நடிக்கவில்லை என்று செய்திகள் வெளியாகியுள்ளது.

அஜித் நடிப்பில், விக்னேஷ் சிவன் இயக்கத்தில், அனிருத் இசையில், லைக்கா நிறுவனத்தின் தயாரிப்பில் உருவாகவிருக்கும் படத்தின் ஆரம்பகட்ட பணிகள் தொடங்கிவிட்டன. விக்னேஷ் சிவன் – நயன்தாரா திருமணம் முடிந்தவுடன் இந்த படத்தின் படப்பிடிப்பு தொடங்கும் என்று எதிர்பார்க்கப்படுகிறது .

இந்த நிலையில் இந்த படத்தில் நயன்தாராதான் நாயகி என்று கூறப்பட்ட நிலையில் தற்போது நயன்தாரா திருமணத்திற்குப் பின்னர் கேரளாவில் புத்துணர்ச்சிக்காக ஆயுர்வேத சிகிச்சை செய்யப் போவதாக தெரிகிறது. 6 மாதங்களுக்கு மேல் அந்த சிகிச்சையை இருக்கும் என்பதால் நயன்தாரா இந்த படத்தில் நடிக்கவில்லை என்றும் எனவே அஜித் – விக்னேஷ் சிவன் இணையும் திரைப்படத்தில் நாயகியாக சமந்தா நடிக்க இருப்பதாக கூறப்படுகிறது.

விக்னேஷ் சிவனின் முந்தைய படமான ’காத்துவாக்குல ரெண்டு காதல்’ படத்தில் சமந்தாவின் நடிப்பு மிக அபாரமாக இருந்ததை அடுத்து அவர் மீண்டும் விக்னேஷ் சிவன் இயக்கத்தில் நடிக்க உள்ளார் என்பது குறிப்பிடத்தக்கது.