ஆரோக்கியம்
உடல் எடையைக் குறைக்கும் மருந்து – பார்வை குறைவாகும் அபாயம்! உண்மையை கூறும் நிபுணர் விழிப்புணர்வு!
உடல் எடையை குறைக்கும் மருந்துகள் தற்போது அதிகமாக பயன்படுத்தப்படுகிற நிலையில், அதனால் பார்வை குறைவாகும் அபாயம் இருக்கிறதா என பெரும் சர்ச்சை எழுந்துள்ளது.
உலகம் முழுவதும் அதிக உடல் பருமனால் கவலைப்படுபவர்கள் இந்த பிரச்சனையிலிருந்து மீள்வதற்காக பலவிதமான முயற்சிகளை செய்கிறார்கள். சிலர் உணவு கட்டுப்பாடு, உடற்பயிற்சி வழியாக எடையைக் குறைக்க முயற்சிக்கின்றனர். மற்றொருபுறம் சிலர் மருந்துகள் மற்றும் இன்ஜெக்ஷன் வழியாக எடையை குறைக்க விரும்புகிறார்கள்.
சமீப காலங்களில் அமெரிக்காவில் அதிகமாக பிரபலமானது Semaglutide என்ற மருந்து. இது Wegovy, Ozempic என்ற பெயர்களில் விற்கப்படுகிறது. இந்த மருந்து ஊசி அல்லது மாத்திரை வடிவில் கிடைக்கிறது. இது பசியைக் கட்டுப்படுத்தி, சில மாதங்களில் 5 முதல் 6 கிலோ வரை எடையைக் குறைக்க உதவுகிறது.
இந்த மருந்தின் விலை இந்தியாவில் மாதத்திற்கு ரூ.30,000 முதல் ரூ.40,000 வரை இருக்கும். ஆனால், இந்த மருந்தை நிறுத்தியதும் எடை மீண்டும் அதிகரிக்கும் அபாயம் உள்ளது.
இந்நிலையில், ஹார்வர்டு பல்கலைக்கழக ஆய்வாளர்கள் வெளியிட்ட ஆய்வில், இந்த எடைகுறைப்பு மருந்துகளை உட்கொள்வோருக்கு பார்வை குறைபாடு ஏற்படும் அபாயம் இருப்பதாக கூறப்பட்டுள்ளது. குறிப்பாக NAION (Non-Arteritic Anterior Ischemic Optic Neuropathy) என்ற நோய் மூலம் கண்களில் உள்ள நரம்புகள் பாதிக்கப்படும் என தெரிவிக்கின்றனர்.
மேலும் டயபட்டிக் ரெட்டினோபதி உள்ளவர்களுக்கு இந்த மருந்து மிகவும் தீங்கு விளைவிக்கக்கூடும் என்றும், பார்வை நரம்புகள் சேதமடைந்து பார்வை இழப்பு ஏற்படலாம் என்றும் எச்சரிக்கின்றனர்.
இதைப்பற்றி குழந்தை நல மருத்துவர் மற்றும் உணவுப் ஆலோசகர் டாக்டர் கூறும்போது, “உடல் எடையை குறைக்கும் சுருக்க வழிகளுக்கு பதிலாக, சரியான உணவுப் பழக்கங்கள், உடற்பயிற்சி, மாவுச்சத்து குறைக்கப்பட்ட உணவு முறையை பின்பற்றுவது நல்லது” என்று கூறியுள்ளார்.
ஆராய்ச்சி மற்றும் மருத்துவ நிபுணர்கள் கூறும் இந்த விழிப்புணர்வை புரிந்து கொண்டு, உடல் எடையை குறைப்பதற்கான இயற்கையான, பாதுகாப்பான வழிகளை மட்டுமே பின்பற்றுங்கள். எடை குறையும், உடலும் ஆரோக்கியமாக இருக்கும்!
