விஷாலின் அயோக்யா ஃபர்ஸ்ட் லுக் ரிலீஸ்!

வெங்கட் மோகன் இயக்கத்தில் விஷால் நடிக்கும் அயோக்யா படத்தின் ஃபர்ஸ்ட் லுக் வெளியிடப்பட்டுள்ளது.

விஷாலின் தயாரிப்பு நிறுவனமான விஷால் பிலிம் பேக்டரி இந்த படத்தை தயாரிக்கவில்லை. லைட் ஹவுஸ் மூவி மேக்கர்ஸ் தயாரிப்பில் இந்த படம் உருவாகி வருகிறது.

இந்த படத்திலும் விஷால் போலீஸ் வேடத்தில் நடிக்கிறார். போலீஸ் ஜீப்பின் மேல், மப்டியில் ஸ்டைலாக விஷால் அமர்ந்திருக்கும் ஃபர்ஸ்ட் லுக்கை படக்குழு வெளியிட்டுள்ளது.

இந்த படத்திற்கு சாம் சி.எஸ். இசையமைக்கிறார். சர்கார் படத்திற்கு அசத்தல் ஸ்டண்ட் அமைத்திருந்த ராம் – லக்‌ஷ்மண் தான் இந்த படத்திற்கும் சண்டை காட்சிகளை அமைக்கவுள்ளனர். அதனால், படத்தின் ஆக்‌ஷன் காட்சிகள் அற்புதமாக இருக்கும் என எதிர்பார்க்கப்படுகிறது.

அயோக்யா படம் ஜனவரி 2019 ரிலீஸ் என அறிவிக்கப்பட்டுள்ளது. பொங்கல் ரேஸில் பல படங்கள் இருப்பதால், ஜனவரி 26ஆம் தேதி வெளியாகும் என்ற தகவலும் கிடைத்துள்ளது.