‘சூரரைப் போற்று’ 100-வது நாள்… டெலிடட் சீன் வெளியீடு..!

சூரரைப் போற்று திரைப்படத்தின் 100-வது நாளை முன்னிட்டு அந்தப் படத்தின் டெலிடட் சீன் இன்று வெளியிடப்பட்டுள்ளது.

நடிகர் சூர்யா நடிப்பில் கடந்த 2020-ம் ஆண்டு அக்டோபர் மாதம் வெளியான திரைப்படம் சூரரைப் போற்று. கொரோனா கட்டுப்பாடுகளின் காரணமாக இந்தப் படம் நேரடியாக அமேசான் ப்ரைம் தளத்தில் வெளியானது. அமேசான் ப்ரைம் தளத்தில் வெளியான போதும் மாபெரும் வெற்றிப் படமாக இந்தத் திரைப்படம் கொண்டாடப்பட்டது.

இந்தப் படத்தின் இயக்குநர் சுதா கொங்கராவுக்கும் நடிகர் சூர்யாவுக்கும் இந்தப் படம் மாபெரும் அங்கீகாரத்தை அளித்து கவுரவித்துள்ளது. சூரரைப் போற்று திரைப்படத்தின் 100-வது நாள் இன்று கொண்டாடப்படுகிறது. இதை முன்னிட்டு இந்தப் படத்திலிருந்து டெலிட் செய்யப்பட்ட சீன் இன்று வெளியிடப்பட்டுள்ளது.

நீக்கப்பட்ட காட்சியில் பொம்மி உடன் பேக்கரியில் மாறன் பணியாற்றுவது போன்ற காட்சி இடம் பெற்றுள்ளது.