சினிமா
ஹைஸ்கூல் பசங்க மாதிரி!… விக்ரம் பட டீமை வரவேற்று கமல் வெளியிட்ட வீடியோ….
லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பஹத் பாசில் உள்ளிட்ட பலரும் நடிக்கும் திரைப்படம் ’விக்ரம்’. இப்படத்தின் பூஜை நேற்று நடந்தது. மேலும், படப்பிடிப்பும் துவங்கியது. இந்த படப்பிடிப்பில் கமல்ஹாசன், விஜய் சேதுபதி உள்ளிட்ட படக்குழுவினர் கலந்துகொண்டனர். கமல்ஹாசன் மற்றும் விஜய் சேதுபதி நடிக்கும் காட்சியை இயக்குனர் லோகேஷ் கனகராஜ் இயக்கியதாகவும் தகவல்கள் வெளிவந்துள்ளன.
கமல்ஹாசன் ஹீரோவாக நடிக்கும் இந்த படத்தில் விஜய் சேதுபதி, பகத் பாசில், நரேன் ஆகிய மூன்று வில்லன்கள் நடிப்பதாகவும், இந்த படம் ஒரு அதிரடி ஆக்ஷன் படம் என்றும் கூறப்படுகிறது. இந்த படத்தின் படப்பிடிப்பு நேற்று தொடங்கி 20 நாட்கள் சென்னையில் நடைபெற உள்ளதாகவும் இதனை அடுத்து ஆகஸ்ட் இறுதியில் அடுத்தகட்ட படப்பிடிப்பு நடக்கும் என்றும் கூறப்படுகிறது. கமல்ஹாசனின் ராஜ்கமல் இன்டர்நேஷனல் பிலிம்ஸ் தயாரிக்கும் இந்த படத்திற்கு அனிருத் இசையமைக்கிறார் என்பதும், இந்தப் படம் மிகப் பெரிய எதிர்பார்ப்பை ஏற்படுத்தியுள்ளது.
இந்நிலையில், இப்படத்தில் பணிபுரிய வரும் படக்குழுவினரை வரவேற்று கமல்ஹாசன் ஒரு வீடியோ வெளியிட்டுள்ளார். அதில், நேற்று நடந்த பூஜை மற்றும் படப்பிடிப்பு மேக்கிங் காட்சிகள் இடம் பெற்றுள்ளது. மேலும், 50 வருடத்தில் இவ்வளவு நாட்கள் நடிக்காமல் இருந்தது இதுதான் முதன்முறை என அவர் பதிவிட்டுள்ளார்.
View this post on Instagram
