’அஜித் 61’ படத்தின் நாயகி பூஜா ஹெக்டேவா? பரபரப்பு தகவல்

அஜித் நடித்து முடித்துள்ள ’வலிமை’ திரைப்படம் ரிலீசுக்கு தயாராக உள்ளது என்பதும் திரையரங்குகள் திறக்கப்பட்டவுடன் இந்த படம் பிரமாண்டமாக உலகம் முழுவதும் வெளியாகும் என்பது குறிப்பிடத்தக்கது. இந்த படம் மார்ச் இரண்டாவது வாரத்தில் வெளியாக அதிக வாய்ப்பு இருப்பதாக கூறப்படுகிறது.

இந்த நிலையில் அஜீத் நடிக்க உள்ள 61வது திரைப்படத்தின் படப்பிடிப்பு விரைவில் நடைபெற உள்ளது என்பதும் ராமோஜிராவ் ஸ்டுடியோவில் இதற்காக பிரம்மாண்டமான செட் அமைக்கும் பணிகள் தற்போது நடைபெற்று வருகிறது என்பது குறிப்பிடத்தக்கது.

அஜித் 61 படத்தை எச்.வினோத் இயக்க உள்ளார் என்பதும் போனிகபூர் தயாரிக்க உள்ளார் என்பதும் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் கூறப்படுகிறது. அஜித் 61 படத்தில் ஜிப்ரான் இசையமைக்க இருப்பதாகவும் நீரவ்ஷா ஒளிப்பதிவு செய்ய இருப்பதாகவும் நம்பத்தகுந்த வட்டாரங்களில் இருந்து தகவல்கள் வெளியாகி உள்ளன.

இந்த நிலையில் அஜித்துக்கு ஜோடியாக இந்த படத்தில் நடிக்கும் யார் என்பது குறித்து படக்குழுவினர் பரிசீலனை செய்ததில் முதலிடத்தில் பூஜா ஹெக்டே இருப்பதாகவும் இரண்டாவது இடத்தில் சமந்தா இருப்பதாகவும் கூறப்படுகிறது. எனவே அஜித் 61’ படத்தில் இந்த இரண்டு நடிகைகளில் ஒருவர்தான் நாயகி என்றும் அனேகமாக பூஜா ஹெக்டே இந்த படத்தில் நாயகியாக நடிக்க அதிக வாய்ப்பு இருப்பதாக கூறப்படுகிறது.

ஏற்கனவே சமீபத்தில்தான் விஜய் நடித்து முடித்துள்ள ’பீஸ்ட்’ படத்தில் நாயகியாக பூஜா ஹெக்டே நடித்துள்ளார் என்பதும் அதேபோல் சிரஞ்சீவி, பிரபாஸ் படங்களிலும் நடித்து வருகிறார் என்பது குறிப்பிடத்தக்கது. ‘அஜித் 61 படத்தில் பூஜா ஹெக்டே நடிப்பாரா என்பதை பொறுத்திருந்து பார்ப்போம்.