புலிக்குட்டியுடன் கொஞ்சி விளையாடும் ஜி.வி. பிரகாஷ்!

இசையமைப்பாளரும் நடிகருமான ஜி.வி. பிரகாஷ், புலிக்குட்டி ஒன்றுடன் கொஞ்சி விளையாடும் வீடியோ ஒன்றை தனது ட்விட்டர் பக்கத்தில் தற்போது பதிவிட்டுள்ளார்.

ஜி.வி. பிரகாஷ் நடிப்பில் இயக்குநர் ராஜீவ் மேனன் இயக்கத்தில் உருவாகியுள்ள சர்வம் தாள மயம் வரும் பிப்ரவரி 1ம் தேதி வெளியாகும் என நேற்று அறிவிக்கப்பட்டது. மேலும், பிப்ரவரி 14ம் தேதி ஜி.வி. பிரகாஷுன் அர்ஜுன் ரெட்டி நாயகி ஷாலினி பாண்டே இணைந்து நடித்துள்ள 100% காதல் திரைப்படமும் வெளியாகிறது.

ஒரே மாதத்தில் இரு படங்கள் ரிலீசாகும் மகிழ்ச்சியில் உள்ள ஜி.வி. பிரகாஷ், தற்போது புலிக்குட்டி ஒன்றின் அருகில் இருந்து எடுத்த வீடியோ ஒன்றையும், அதன்மேல் படுத்துக் கொண்டும், அதனை மடியில் வைத்து கொஞ்சும் புகைப்படங்களையும் ட்விட்டரில் பதிவிட்டுள்ளார்.

இதனை அவரது ரசிகர்கள் ஷேர் செய்து வைரலாக்கும் முயற்சியில் ஈடுபட்டு வருகின்றனர்.