வெளியானது சூரி படத்தின் தெலுங்கு ஃபர்ஸ்ட்லுக்!

வெற்றிமாறனின் இணை இயக்குநர் மதிமாறன் புகழேந்தி இயக்கத்தில் நடிகர் சூரி நடித்து வரும் ‘மண்டாடி’ என்ற படத்தின் தெலுங்கு மொழியின் ஃபர்ஸ்ட் லுக் வெளியாகி உள்ளது.

இதற்கு முன்பாக’மண்டாடி’ படத்தின் தமிழ் ஃபர்ஸ்ட்லுக் போஸ்டர் வெளியாகி மக்கள் மத்தியில் எதிர்ப்பார்ப்பை ஏற்படுத்தியிருந்தது. இந்த படத்தில் முத்துகாளி என்ற கதாப்பாத்திரத்தில் சூரி நடிக்கிறார்.

விடுதலை படத்திற்கு பிறகு இந்த படத்தை எல்ரட் குமார் தயாரிக்கிறார்.இப்படத்திற்கு ஜி.வி.பிரகாஷ் இசையமைக்கிறார். மண்டாடி கதை கடலில் நடக்கும் படகு விளையாட்டு போட்டியை மையமாக வைத்து உருவாகி வருகிறது. தெலுங்கு நடிகரான சுகாஸ் இப்படத்தில் முக்கிய கதாப்பாத்திரத்தில் நடிக்கிறார். இதன் மூலம் தமிழ் சினிமாவிற்கு அறிமுகமாகிறார்.

படத்தின் நாயகியாக மகிமா நம்பியார் நடிக்கிறார். சத்யராஜ் முக்கிய கதாப்பாத்திரத்தில் நடிக்கிறார்.மேலும் பிக்பாஸ் சாச்சனா, அச்யுத் குமார ஆகியோர் முக்கிய கதாப்பாத்திரத்தில் நடிக்கின்றனர்