ஹேப்பி பர்த்டே தளபதி விஜய்!

இளைய தளபதியில் இருந்து தளபதியாக புரமோட் ஆகியிருக்கும் நடிகர் விஜய்க்கு பிறந்த நாள் வாழ்த்துகள். 1974ம் ஆண்டு ஜூன் 22ம் தேதி இயக்குநர் சந்திரசேகர் மற்றும் பாடகி சோபாவுக்கு மகனாக பிறந்தார். தந்தை சினிமா துறையில் இருந்தாலும், இந்த மூஞ்சியெல்லாம் நடிகனாக மாறுமா என்ற பல ஏச்சுப் பேச்சுகளை கேட்டு வளர்ந்தவர் தான் இன்று தமிழ் நாட்டின் அடுத்த சூப்பர்ஸ்டார் போட்டியில் முன்னணியில் இருக்கிறார்.

தளபதி63 படத்தின் ஃபர்ஸ்ட் லுக் மற்றும் டைட்டில் நேற்று வெளியானது. பிகில் என அந்த படத்திற்கு பெயர் வைத்து உள்ளனர். ரசிகர்கள் நேற்று இரவு நள்ளிரவு வெளியிட்ட செகண்ட் போஸ்டர் மற்றும் ஃபர்ஸ்ட் லுக் போஸ்டர்களில் தளபதி விஜய்யின் தரிசனத்தை கண்டு கொண்டாடி வருகின்றனர்.

விஜய்யின் பிறந்த நாள் கொண்டாட்டம் இன்று இந்தியளவில் ட்ரெண்டாகி வருகிறது. பல சினிமா பிரபலங்களும் தங்களின் வாழ்த்துகளை சமூக வலைதளங்களின் வாயிலாக தங்களுக்கு பிடித்தமான தளபதி விஜய்க்கு தெரிவித்து வருகின்றனர்.

எங்களின் சார்பாகவும் தளபதி விஜய்க்கு பிறந்த நாள் வாழ்த்துகள்!