8வது ஊதியக்குழு 2027 முதல் அமல்: மத்திய அரசு ஊழியர்களுக்கு 30% – 34% சம்பள உயர்வு கிடைக்கும் வாய்ப்பு!

8வது ஊதியக்குழு அமல் 2027 முதல் நடைபெற வாய்ப்பு உள்ளது என நிபுணர்கள் தெரிவிக்கின்றனர். மத்திய அரசு ஊழியர்கள் மற்றும் ஓய்வூதியதாரர்கள் ஆர்ப்பாட்டம் செய்து பல ஆண்டுகளாக எதிர்பார்த்த 8th Pay Commission குறித்து தற்போது முக்கிய அப்டேட் வெளியாகியுள்ளது.

மத்திய அரசு ஜனவரி 2025ல் 8வது ஊதியக்குழுவை அறிவித்திருந்தாலும், இதற்கான தலைவர், உறுப்பினர்கள் நியமனம் மற்றும் Terms of Reference (ToR) இன்னும் முடிவு செய்யப்படவில்லை. இதனால், அதிகாரப்பூர்வமாக ஆணையம் அமைக்க சில மாதங்கள் ஆகும் என எதிர்பார்க்கப்படுகிறது.

நிபுணர்கள் தெரிவித்தபடி, 8வது ஊதியக்குழுவின் பரிந்துரைகள் 2025 இறுதிக்குள் அரசாங்கத்திடம் சமர்ப்பிக்கப்படும். அதன்பின் மத்திய அமைச்சரவை ஒப்புதல் அளித்த பிறகு, 2027 முதல் புதிய சம்பள நிர்ணயம் அமலுக்கு வரும்.

இது அமலாக்கப்பட்டால், மத்திய அரசு ஊழியர்களின் சம்பளம் மற்றும் ஓய்வூதியம் 30% முதல் 34% வரை உயரும் என நிபுணர்கள் கணிக்கின்றனர். மேலும், Fitment Factor 1.83 முதல் 2.46 வரை நிர்ணயிக்கப்படும் எனவும் தெரிவிக்கப்படுகிறது.

தற்போது ஒருவரின் அடிப்படை சம்பளம் ₹18,000 எனில், ஃபிட்மென்ட் ஃபாக்டர் 2.0 ஆக இருந்தால், புதிய அடிப்படை சம்பளம் ₹36,000 ஆக உயரும். இதில் DA, HRA போன்றவை சேர்த்தால் மொத்த ஊதியம் மிக அதிகமாகும்.

8வது ஊதியக்குழு 2027ல் அமலுக்கு வந்தாலும், அரியர் தொகை ஜனவரி 2026 முதல் கிடைக்கும். எனவே, மத்திய அரசு ஊழியர்கள் மற்றும் ஓய்வூதியதாரர்களுக்கு பெரும் நிதி பலன் கிடைக்கும் என்று நிபுணர்கள் தெரிவித்துள்ளனர்.