மீண்டும் ஒர்க்கவுட் ஆகுமா ஆளப்போறான் தமிழன் மேஜிக்!

விஜய்யின் சர்கார் படம் வரும் தீபாவளிக்கு ரிலீசாகிறது. இதைத் தொடர்ந்து விஜய் நடிக்கும் புதிய படத்தின் அப்டேட் வெளியாகியுள்ளது.

சர்கார் படத்தை தொடர்ந்து, அட்லி இயக்கத்தில் மூன்றாவது முறையாக விஜய் நடிக்கவுள்ளார். இப்படத்தின் படப்பிடிப்பு அடுத்த ஆண்டு ஜனவரி முதல் தொடங்கவுள்ளதாக தகவல் வெளியாகியுள்ளது.

அட்லி இயக்கத்தில், விஜய் நடிப்பில் வெளியான தெறி மற்றும் மெர்சல் படம் பிளாக்பஸ்டர் ஹிட் ஆனது. அதிலும், மெர்சல் படத்தில் வரும் ஆளப்போறான் தமிழன் பாடல் விஜய்யின் ஆல்டைம் ஃபேவரைட்டாக மாறியுள்ளது. அட்லி இயக்கவுள்ள புதுப்படத்திற்கு ஆளப்போறான் தமிழன் என்ற டைட்டிலேயே வைக்கவுள்ளதாகவும் தகவல்கள் தெரிவிக்கின்றன. சர்கார் படத்தை தொடர்ந்து, ஆளப்போறான் தமிழன் என்றால், அதுவும் நிச்சயம் அரசியல் பேசும் மாஸ் கமர்ஷியல் படமாகவே அமையும் என ரசிகர்கள் உற்சாகத்தில் இருக்கின்றனர்.

எல்லாம் சரி, இந்த படத்திற்காவது கதை திருட்டு பிரச்னை வராமல் இருக்குமா என்பதும் மிகப்பெரிய கேள்விக்குறியாகவே மாறியுள்ளது.