‘களரி‘ படத்தின் டிரெய்லர் வெளியானது!

கிருஷ்ணா முதல் படம் தனுஷின் ‘மாரி 2’ சத்யசிவாவின் ‘கழுகு 2’ என அடுத்தடுத்துப் படங்கள் வண்டி கட்டி நிற்கிறது.

நடிகர் கிருஷ்ணா நடித்து வெளிவரவிருக்கும் புதிய திரைப்படம் களரி. கிருஷ்ணா, வித்யா ப்ரதீப், சென்றாயன், எம்.எஸ் பாஸ்கர் உள்ளிட்ட பலர் நடிக்கும் இந்தப் படத்தைக் கிரண் சந்த் என்பவர் இயக்கியுள்ளார். கேரளாவில் படமாக்கப்பட்டுள்ள இந்தப் படத்தில், எதற்கெடுத்தாலும் பயப்படும் கதாப்பாத்திரத்தில் கிருஷ்ணாநடித்துள்ளார். மேலும், குருதேவ் ஒளிப்பதிவு செய்யப் பிரசன்னா இசையமைத்துள்ளார்.

தற்போது, கிருஷ்ணா தனது ட்வீட்டர் பக்கத்தில் படத்தின் டிரெய்லரை வெளியிட்டுள்ளார். இந்த டிரெய்லர் ரசிகர்களிடையே செம லைக்ஸ் குவித்து வைரலாகி வருகிறது. அதுமட்டுமின்றி, படத்தின் மீதான எதிர்பார்ப்பையும் அதிகரிக்கச் செய்துள்ளது. படத்தை வருகிற ஆகஸ்ட் 24-ஆம் தேதி ரிலீஸ் செய்யத் திட்டமிட்டுள்ளனர்.