தாஜ்மஹாலில் ’காதல் மன்னன்’ அஜித்: வைரல் புகைப்படங்கள்!

உலகின் ஏழு அதிசயங்களில் ஒன்றான தாஜ் மஹாலில் தல அஜித் இருக்கும் புகைப்படங்கள் இணையதளங்களில் வைரலாகி வருகிறது.

தல அஜீத் சமீபத்தில் ’வலிமை’ என்ற திரைப்படத்தில் நடித்து முடித்தார் என்பதும் இந்த படத்தின் போஸ்ட் புரொடக்ஷன் பணிகள் தற்போது விறுவிறுப்பாக நடைபெற்று வருகிறது என்பதும் குறிப்பிடத்தக்கது. இந்த படத்தின் டீசரை அடுத்த வாரம் வெளியாகும் என்றும் அதில் இந்த படத்தின் ரிலீஸ் தேதியும் குறிப்பிடப்பட்டிருக்கும் என்றும் கூறப்படுகிறது.

இந்த படத்தில் ரஷ்யாவில் ’வலிமை’ படத்தின் இறுதி கட்ட படப்பிடிப்பை முடித்த அஜீத் அங்கு சில நாட்கள் தங்கியிருந்து பைக் ரேஸ் பயிற்சியில் ஈடுபட்டிருந்தார். அதன்பின் சென்னை திரும்பிய அஜித், தற்போது டெல்லியில் துப்பாக்கி சுடுதல் சாம்பியன்ஷிப் போட்டியில் கலந்து கொள்வதற்காக சென்றிருப்பதாக தகவல்கள் வெளியாகியுள்ளன.

இந்த நிலையில் டெல்லி அருகே உள்ள தாஜ்மஹாலுக்கு தல அஜித் சென்றுள்ளார். அங்கு அவரை அடையாளம் கண்டுகொண்ட ரசிகர்கள் அவருடன் சிறிது நேரம் பேசி புகைப்படங்கள் எடுத்துக்கொண்டனர். இந்த புகைப்படங்களை அந்த ரசிகர்கள் சமூக வலைத் அதில் பதிவு செய்த நிலையில் அந்த புகைப்படங்கள் மிகப்பெரிய அளவில் இணையதளங்களை ஸ்தம்பிக்க வைக்கும் அளவுக்கு வைரலாகி வருகிறது என்பது குறிப்பிடத்தக்கது.

இந்த நிலையில் டெல்லியில் நடைபெறும் துப்பாக்கி சுடும் போட்டியில் கலந்து கொண்ட பின்னர் சென்னை திரும்பும் தல அஜித், தனது 61வது படத்திற்கான பணியை தொடங்குவார் என்று எதிர்பார்க்கப்படுகிறது. தல அஜித்தின் அடுத்த படத்தை இயக்குபவர் யார் என்ற அதிகாரபூர்வ அறிவிப்பு இன்னும் ஒரு சில நாட்களில் அறிவிக்கப்படும் என்று கூறப்படுகிறது.