ஆரோக்கியம்
புரோஸ்டேட் புற்றுநோய்: ஆண்கள் கண்டிப்பாக கவனிக்க வேண்டிய ஆரம்பகால அறிகுறிகள்!
புரோஸ்டேட் புற்றுநோயின் ஆரம்ப அறிகுறிகள் – ஆண்கள் கவனிக்க வேண்டிய முக்கிய சைகைகள்
ஆண்களின் இனப்பெருக்க மண்டலத்தில் முக்கிய பங்கு வகிக்கும் சுரப்பி தான் புரோஸ்டேட் சுரப்பி. இது விந்தணுவிற்கு ஊட்டச்சத்து வழங்குதல், சிறுநீர் ஓட்டத்தை கட்டுப்படுத்துதல், உச்சக்கட்டத்தின் போது விந்தை வெளியேற்றுதல் போன்ற முக்கிய பணிகளைச் செய்கிறது.
இந்த முக்கிய சுரப்பியில் உருவாகும் புற்றுநோயே புரோஸ்டேட் புற்றுநோய் எனப்படும். இது மெதுவாக வளரும் தன்மை கொண்டது. ஆரம்பத்தில் தெளிவான அறிகுறிகளை வெளிப்படுத்தாமல், பெரும்பாலும் முற்றிய நிலையில்தான் கண்டறியப்படுகிறது. இருப்பினும் சில ஆரம்பகால எச்சரிக்கை அறிகுறிகள் மூலம் இந்த நோயை அடையாளம் காணலாம்.
👉 புரோஸ்டேட் புற்றுநோயின் ஆரம்பகால அறிகுறிகள்:
அடிக்கடி சிறுநீர் கழிப்பு – குறிப்பாக இரவு நேரங்களில் அடிக்கடி எழுந்து சிறுநீர் கழிக்க வேண்டிய நிலை.
சிறுநீர் கழிப்பதில் சிரமம் – தொடங்குவதில் சிரமம், அல்லது முழுமையாக கழியாத உணர்வு.
சிறுநீர் கழிக்கும் போது வலி அல்லது எரிச்சல் – சிலருக்கு விந்து வெளியேறும் போதும் இதே சிரமம் ஏற்படும்.
சிறுநீர் அல்லது விந்துவில் இரத்தம் – இது கவனிக்க வேண்டிய முக்கிய எச்சரிக்கை.
திடீர் விறைப்புத்தன்மை குறைபாடு – குறிப்பாக இளம் வயதில் காரணமில்லாமல் ஏற்படுவது.
இந்த அறிகுறிகள் இருந்தால் தாமதிக்காமல் மருத்துவரை அணுகுவது மிக அவசியம். ஆரம்பத்திலேயே கண்டறிந்தால், சிகிச்சை எளிதாகவும் பயனுள்ளதாகவும் இருக்கும்.
