ரத்தக்களரியாக வெளியான ’கைதி’ ஃபர்ஸ்ட் லுக்!

மாநகரம் படத்தின் இயக்குநர் லோகேஷ் கனகராஜ் இயக்கத்தில் கார்த்தி நடித்து வரும் கைதி படத்தின் ஃபர்ஸ்ட் லுக் வெளியாகி வைரலாகி வருகிறது.

நடிகர் கார்த்தி நடிப்பில் சமீபத்தில் வெளியான தேவ் படம் படு தோல்வியடைந்தது. இந்நிலையில், அடுத்த படமான கைதி பட வேலைகளில் பிசியாகி உள்ளார் கார்த்தி.

அறிமுகமான மாநகரம் படத்திலேயே தனது தனித்திறமையை வெளிப்படுத்திய லோகேஷ் கனகராஜ். பலராலும் பாராட்டப்பெற்றார். இந்நிலையில், நடிகர் கார்த்தியை வைத்து கைதி என்ற படத்தை அவர் இயக்கி வருகிறார்.

படத்தின் பணிகள் இறுதிகட்டத்தை எட்டிவிட்டதால், படத்தின், ஃபர்ஸ்ட்லுக்கை படக்குழு வெளியிட்டது. ஒழுகும் ரத்தம் சிறை கம்பிகளாக மாறி, அதற்குள் கார்த்தி இருப்பது போன்றும்.. கைதி என்ற தலைப்பும் வைக்கப்பட்டு மிரட்டலாக ஃபர்ஸ்ட் லுக் போஸ்டர் உருவாக்கப்பட்டுள்ளது.

இந்த படத்தில் கார்த்திக்கு நாயகி என்று யாரும் இல்லை. மேலும், ஒரே இரவில் நடைபெறும் சம்பவங்களை கொண்டு இந்த படம் சுவாரஸ்யமாக எழுதப்பட்டு படமாக்கப்பட்டு வருவதாக தகவல்கள் வெளியாகி உள்ளன.

இந்த படம் தனக்கு நிச்சயம் வெற்றியை ஈட்டித் தரும் என கார்த்தியும் மிகவும் ஆவலோடு காத்திருக்கிறாராம்.