’தளபதி 68’ படத்தில் விஜய் – கமல் – அட்லி?

விஜய் நடித்துவரும் தளபதி 66 படத்தின் படப்பிடிப்பு விறுவிறுப்பாக நடைபெற்று வரும் நிலையில் விஜய்யின் அடுத்த படமான தளபதி 67 படத்தை லோகேஷ் கனகராஜ் இயக்க இருப்பதாக தகவல்கள் வெளியாகி உள்ளது .

இந்த நிலையில் தளபதி 68 படத்தை அட்லி இயக்க இருப்பதாக நம்பத்தகுந்த வட்டாரங்களிலிருந்து தகவல் வெளியாகியுள்ளது. மேலும் தளபதி 68 திரைப்படத்தை கமல்ஹாசனின் ராஜ்கமல் இண்டர்நேஷனல் நிறுவனம் தயாரிக்க இருப்பதாகவும் அது மட்டுமின்றி இந்த படத்தில் கமல்ஹாசன் சிறப்பு தோற்றத்தில் நடிக்க இருப்பதாகவும் கூறப்படுகிறது.

தெறி, மெர்சல், பிகில் ஆகிய மூன்று வெற்றி படங்களுக்கு பின்னர் மீண்டும் விஜய்யுடன் அட்லி இணைய உள்ளார் என்பதும் இந்த படம் ஆக்சன் படம் இல்லை என்றும், ‘தளபதி 66; போலவே முழுக்க முழுக்க குடும்ப மற்றும் காமெடி படம் என்பது குறிப்பிடத்தக்கது.

இந்த படத்தின் படப்பிடிப்பு 2024ஆம் ஆண்டு தொடங்கும் என்றும் கூறப்படுகிறது. அட்லி தற்போது ஷாருக்கான் நடித்து வரும் படத்தை இயக்கி வருகிறார் என்பதும் இந்த படத்தின் படப்பிடிப்பு முடிந்து இவ்வருட இறுதியில் வெளியாகும் என்றும் எதிர்பார்க்கப்படுகிறது. அதன்பின்னர் அவர் விஜய் படத்துக்கான பணியை தொடங்குவார் என்று எதிர்பார்க்கப்படுகிறது.