சினிமா செய்திகள்
காஜல் அகர்வாலின் அடுத்த பட ரிலீஸ் தேதி அறிவிப்பு!
காஜல் அகர்வால் முக்கிய கேரக்டரில் நடித்த லைவ் டெலிகாஸ்ட் என்ற திரைப்படம் சமீபத்தில் ஓடிடியில் வெளியான நிலையில் அவர் நடித்துள்ள அடுத்த திரைப்படத்தின் ரிலீஸ் தேதி குறித்த தகவல் தற்போது வெளிவந்துள்ளது.
காஜல் அகர்வால் நடிப்பில் தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில் உருவாகி வரும் திரைப்படம் ’அனு அண்ட் அர்ஜுன். இந்த படத்தின் படப்பிடிப்பு முடிவடைந்துள்ள நிலையில் தற்போது மார்ச் 19ஆம் தேதி உலகம் முழுவதும் திரையரங்குகளில் ரிலீசாக இருப்பதாக அறிவிக்கப்பட்டுள்ளது.
காஜல் அகர்வால், லட்சுமி மஞ்சு மற்றும் சுனில் ஷெட்டி ஆகியோர் நடித்துள்ள இந்த திரைப்படம் ஜெப்ரி சீன் என்பவரால் இயக்கப்பட்டுள்ளது. சாம் சிஎஸ் இசையமைத்துள்ள இந்த படம் காஜல் அகர்வாலின் இன்னொரு வெற்றி படமாக அமையும் என்று எதிர்பார்க்கப்படுகிறது. மேலும் இந்த படம் உலகின் மிகப்பெரிய ஐடி ஊழல் குறித்த கதையம்சம் கொண்ட படம் என்பது குறிப்பிடத்தக்கது.