கோவை, ஈரோடு ஸ்பெஷல் சிந்தாமணி சிக்கன் ரெசிபி: கொங்குநாடு ஸ்டைல் காரசார சுவை!

கோவை, ஈரோடு ஸ்பெஷல் சிந்தாமணி சிக்கன் செய்முறை

கொங்குநாட்டின் பாரம்பரிய உணவுகளில் குறிப்பிடத்தக்கது சிந்தாமணி சிக்கன். கோவை மற்றும் ஈரோடு பகுதிகளில் பிரபலமான இந்த ரெசிபி, காரசாரமான சுவையுடன் விருந்தினர்களின் எண்ணங்களை கவர்கிறது. இதை வீட்டில் எளிமையாகச் செய்யலாம்.

தேவையான பொருட்கள்:

• நாட்டு கோழி – ½ கிலோ
• சின்ன வெங்காயம் – 20
• மிளகு தூள் – 2 ஸ்பூன்
• நல்லெண்ணெய் – 5 ஸ்பூன்
• உப்பு – தேவையான அளவு
• இஞ்சி பூண்டு பேஸ்ட் – 2 ஸ்பூன்
• கறிவேப்பிலை – ஒரு கையைப்பிடி
• காய்ந்த மிளகாய் – 10
• சோம்பு – 1 டீஸ்பூன்
• எலுமிச்சை – 1

சிந்தாமணி சிக்கன் செய்முறை

1. ஒரு கனமான கடாயில் நல்லெண்ணெய் ஊற்றி சூடாக்கவும்.
2. சூடான எண்ணெயில் சோம்பு சேர்த்து தாளிக்கவும்.
3. சின்ன வெங்காயத்தை பொடியாக நறுக்கி சேர்க்கவும். வெங்காயம் பொன்னிறமாக மாறியதும் இஞ்சி பூண்டு பேஸ்ட் சேர்த்து நன்றாக வதக்கவும்.
4. பச்சை வாசனை போன பிறகு, காய்ந்த மிளகாய்களை பாதியாக உடைத்து சேர்க்கவும்.
5. நாட்டு கோழியை மஞ்சள் தூள் சேர்த்து நன்றாக கழுவி சேர்க்கவும்.
6. சிக்கன் கொஞ்சம் நன்றாக வெந்த பிறகு, மேலும் 2 ஸ்பூன் நல்லெண்ணெய் சேர்த்து நன்றாக கிளறவும்.
7. சிக்கன் 75% வெந்தவுடன், மிளகு தூள் சேர்த்து கறிவேப்பிலையும் சேர்க்கவும்.
8. இறுதியில், கொத்தமல்லி தழை தூவவும். அதன்பின் எலுமிச்சை பழம் பிழிந்து மேலே சேர்க்கவும்.
9. இதை சாதத்தில் கலந்து பரிமாறினால், சிந்தாமணி சிக்கன் சுவை நிச்சயம் “வேற லெவல்” என உணரப்படும்!