ஆரோக்கியம்
கெட்ட கொலஸ்ட்ராலை குறைக்கும் சிவப்பு நிற பானங்கள் – இதய ஆரோக்கியத்திற்கான இயற்கை ரகசியம்!
நமது உடலுக்கு கொலஸ்ட்ரால் அத்தியாவசியமான ஒன்று. கல்லீரலே தினமும் உடலுக்குத் தேவையான கொலஸ்ட்ராலை உற்பத்தி செய்கிறது. அதோடு, நாம் சாப்பிடும் உணவுகளின் மூலமும் கொலஸ்ட்ரால் உடலுக்குள் சேர்கிறது. ஆனால் உடற்பயிற்சி இல்லாத வாழ்க்கை முறை, தவறான உணவு பழக்கங்கள் காரணமாக கெட்ட கொலஸ்ட்ரால் (LDL) அதிகரித்து, இதய நோய், மாரடைப்பு, பக்கவாதம் போன்ற அபாயங்களை ஏற்படுத்தும்.
கொலஸ்ட்ராலை கட்டுப்படுத்த மருந்துகள் இருந்தாலும், உணவுப் பழக்கத்தில் சிறு மாற்றங்களே பெரும் நன்மைகளை தரக்கூடியவை. குறிப்பாக சில சிவப்பு நிற பானங்கள் கொலஸ்ட்ராலை குறைத்து, இதய ஆரோக்கியத்தை பாதுகாக்கும் சக்திவாய்ந்த ஆன்டி-ஆக்ஸிடன்ட்டுகள் மற்றும் பிளேவோனாய்டுகளை கொண்டுள்ளன.
இப்போது கொலஸ்ட்ராலை குறைத்து இதயத்தை ஆரோக்கியமாக வைத்திருக்க உதவும் 5 முக்கிய சிவப்பு நிற பானங்களை பார்க்கலாம்:
1. பீட்ரூட் ஜூஸ்
பீட்ரூட்டில் உள்ள நைட்ரேட்டுகள் இரத்தக் குழாய்களை விரிவாக்கி, இரத்த ஓட்டத்தைக் கட்டுப்படுத்தும். இதனால் இரத்த அழுத்தமும் குறையும். ஆய்வுகளின்படி, பீட்ரூட் ஜூஸ் இரத்த கொலஸ்ட்ராலை சமநிலைப்படுத்த உதவுகிறது.
2. மாதுளை ஜூஸ்
மாதுளை ஜூஸில் உள்ள பாலிஃபீனால்கள் மற்றும் அந்தோசையனின்கள் தமனிகளில் பிளேக் படிவதை தடுத்து, இதயத்தை பாதுகாக்கின்றன. இதை வழக்கமாக குடிப்பதால் கொலஸ்ட்ரால் குறைந்து, இரத்த ஓட்டம் மேம்படும்.
3. சிவப்பு திராட்சை ஜூஸ்
சிவப்பு திராட்சையில் உள்ள ரெஸ்வெராட்ரால் நல்ல கொலஸ்ட்ராலை (HDL) அதிகரித்து, கெட்ட கொலஸ்ட்ராலை குறைக்கும். இதனை வழக்கமாக குடிப்பதால் இதய நோய் அபாயம் குறையும்.
4. செம்பருத்தி டீ
செம்பருத்தி மலரால் தயாரிக்கப்படும் டீ, கெட்ட கொலஸ்ட்ரால் மற்றும் ட்ரைகிளிசரைட்களை குறைத்து, நல்ல கொலஸ்ட்ராலை அதிகரிக்கும். மேலும் இது இரத்த அழுத்தத்தையும் குறைக்கிறது.
5. கிரான்பெர்ரி ஜூஸ்
சர்க்கரை இல்லாமல் தயாரிக்கப்பட்ட கிரான்பெர்ரி ஜூஸ், கெட்ட கொலஸ்ட்ராலை குறைத்து, நல்ல கொலஸ்ட்ராலை மேம்படுத்துகிறது. இரத்தக் குழாய்களை ஆரோக்கியமாக வைத்திருக்க உதவும்.
