சினிமா செய்திகள்
போனிகபூர் மகளுக்கு கொரோனா பாதிப்பு: குடும்பமே குவாரண்டைன்!
பிரபல தயாரிப்பாளர் போனிகபூரின் மகளுக்கு கொரோனா வைரஸ் பாதிப்பு ஏற்பட்டுள்ளதை அடுத்து அவரது குடும்பம் முழுவதும் தனிமைப்படுத்தி கொண்டிருப்பதாக தகவல்கள் வெளியாகியுள்ளன.
மறைந்த பிரபல நடிகை ஸ்ரீதேவியின் கணவர் போனி கபூர் பாலிவுட் திரையுலகின் முன்னணி தயாரிப்பாளர் என்பதும் தற்போது அவர் தமிழிலும் திரைப்படங்களை தயாரித்து வருகிறார் என்பது குறிப்பிடத்தக்கது.
அஜித் நடித்த ’நேர் கொண்ட பார்வை’ என்ற திரைப்படத்தை தயாரித்த போனிகபூர், ’வலிமை’ திரைப்படத்தையும் தயாரித்து முடித்து உள்ளார் என்பதும் அஜித் நடிக்கவுள்ள அடுத்த படத்திற்கும் அவர்தான் தயாரிப்பாளர் என்பதும் குறிப்பிடத்தக்கது. அதுமட்டுமின்றி உதயநிதி நடிக்கும் படத்தையும் அவர் தயாரித்து வருகிறார் என்பது தெரிந்ததே.
இந்தநிலையில் போனி கபூருக்கு ஜான்வி கபூர் மற்றும் குஷிகபூர் ஆகிய 2 மகள்கள் இருக்கும் நிலையில் இளைய மகள் குஷிகபூருக்கு கொரோனா பாதிப்பு ஏற்பட்டு உள்ளது. இதனை அடுத்து போனி கபூர் மற்றும் ஜான்வி கபூர் ஆகிய இருவரும் வீட்டிலேயே தங்களைத் தனிமைப்படுத்திக் கொண்டுள்ளனர் என்பதும் குஷிகபூர் மருத்துவரின் ஆலோசனைப்படி சிகிச்சை பெற்று வருகிறார் என்பது குறிப்பிடத்தக்கது.
குஷிகபூரின் உடல்நிலை படிப்படியாக தேறி வருவதாகவும் விரைவில் அவர் கொரோனாவில் இருந்து மீண்டு விடுவார் என்றும் மருத்துவர்கள் தெரிவித்து உள்ளதாக கூறப்படுகிறது.