சித்திரை வருடப் பிறப்பு அன்று மாங்காய், வேப்பம்பூ பச்சடி கண்டிப்பாக செய்யுங்க.

சித்திரை வருடப்பிறப்பு அன்று அறுசுவை சேர்ந்த சுவையுடைய இந்த மாங்காய் வேப்பம்பூ பச்சடி கண்டிப்பாக சேர்த்துக் கொள்ள வேண்டும் என நமது பெரியவர்கள் சொல்வாங்க. அதை செய்ய கீழ்க்கண்ட பொருள்கள் தேவைப்படுகின்றன.

மாங்காய்-1, வெல்லம்-200 கிராம், வேப்பம்பூ -2 தேக்கரண்டி, கடுகு-1தேக்கரண்டி, உளுத்தம்பருப்பு -1தேக்கரண்டி, காய்ந்த மிளகாய்-1, தாளிக்க எண்ணெய்-1தேக்கரண்டி, தேங்காய்துருவல்-1/4கப்.

இப்போ இந்த மாங்காய், வேப்பம்பூ பச்சடி யை பின்வருமாறு ட்ரை பண்ணி பாருங்க.

ஒரு அடி கனமான பாத்திரத்தில் ஒரே கப்  நீர் விட்டு மெலிதாக நறுக்கிய மாங்காய் துண்டுகளை சேர்த்து வேக வைக்கவும். மாங்காய் வெந்த பிறகு ஒரு வாணலியில் எண்ணெய் விட்டு காய்ந்ததும் கடுகு, உளுத்தம்பருப்பு, வேப்பம்பூ, மிளகாய் ஆகியவற்றை போட்டு தாளித்து எடுத்துக் கொள்ளவும். இதனை வெந்த மாங்காயுடன் சேர்த்து பொடித்து வெல்லம் சேர்த்து கொதிக்க விடவும். சுவையான மாங்காய் வேப்பம்பூ பச்சடி தயார்..

இந்த மாங்காய், வேப்பம்பூ பச்சடி யை சேர்த்துக் கொள்வதால் நமக்கு கிடைக்கும் பயன்கள்

மாங்காயில் இரும்புச்சத்து உள்ளது. இது செரிமானத்தையும் மேம்படுத்தும். தோல் ஆரோக்கியத்தை பாதுகாக்கிறது. இரத்த சர்க்கரையை கட்டுப்படுத்துகிறது. இரத்த அழுத்தத்தை குறைக்கிறது. வேப்பம்பூ வயிற்றுக் கோளாறுகளை சரி செய்யக் கூடியது. இதன் கசப்புத்தன்மை குடலில் இருக்கும் பூச்சிகளை வெளியேற்றும் தன்மை கொண்டது. சரும நோயை அகற்றும். ரத்தசோகையை குறைக்கும்.

கண்டிப்பாக செய்வீங்கதானே… செய்து பார்த்திட்டு உங்க கருத்தையும் கண்டிப்பாக சொல்லுங்க.