ஆரோக்கியம்
குளிர்காலத்தில் அடிக்கடி வரும் நரம்பு இழுப்பு, நரம்பு வலி பிரச்சனைக்கு எளிய தீர்வு: இந்த உணவுகளை சாப்பிட்டாலே போதும்!
பொதுவாக குளிர்காலம் வந்தாலே தலைவலி, சளி, காய்ச்சல் போன்ற பிரச்சனைகளோடு சேர்ந்து நரம்பு வலி மற்றும் நரம்பு இழுப்பு போன்ற நரம்பு சார்ந்த பிரச்சனைகளும் அதிகரிக்கத் தொடங்கும். குறிப்பாக வயதானவர்களுக்கும், சர்க்கரை நோயாளிகளுக்கும் இந்த பாதிப்புகள் அதிகமாக காணப்படும்.
குளிர்காலத்தில் உடலின் இரத்த நாளங்கள் சுருங்குவதால், இரத்த ஓட்டம் மெதுவாகிறது. இதன் விளைவாக நரம்புகளில் வலி, இழுப்பு மற்றும் எரிச்சல் போன்ற பிரச்சனைகள் உருவாகின்றன. ஆகையால், இந்த காலகட்டத்தில் நரம்பு மண்டலத்தை வலுப்படுத்தும் உணவுகளை உணவில் சேர்த்துக் கொள்வது மிக முக்கியமானதாகும்.
குளிர்காலத்தில் நரம்பு சார்ந்த பிரச்சனைகளை குறைக்க உதவும் முக்கிய உணவுகள் என்னென்ன என்பதை இப்போது பார்க்கலாம்.
🥜 நட்ஸ் மற்றும் விதைகள்
முந்திரி, பாதாம், வால்நட் போன்ற வைட்டமின் B நிறைந்த நட்ஸ் மற்றும் விதைகள் தினசரி உணவில் சேர்க்கப்பட வேண்டும்.
இவற்றில் உள்ள வைட்டமின்கள் மற்றும் மினரல்கள் நரம்பு மண்டலத்தின் செயல்பாட்டை மேம்படுத்தி,
நரம்பு இழுப்பு, நரம்பு வலி போன்ற பிரச்சனைகளை குறைக்க உதவுகின்றன.
🍎 பழங்கள்
அன்றாட உணவில் 2 முதல் 3 சர்விங் சீசன் பழங்களை சேர்த்துக் கொள்வது அவசியம்.
ஆப்பிள், பேரிக்காய், ஆரஞ்சு, ஸ்ட்ராபெர்ரி, திராட்சை, ப்ளம் போன்ற குறைந்த கலோரி மற்றும் குறைந்த கிளைசெமிக் குறியீடு கொண்ட பழங்கள் சிறந்தவை.
இவை ரத்த சர்க்கரை அளவை சமநிலையாக்குவதோடு,
டயபட்டீஸ் நியூரோபதி காரணமாக ஏற்படும் நரம்பு வலி மற்றும் உணர்விழப்பு பிரச்சனைகளை குறைக்க உதவுகின்றன.
🥬 காய்கறிகள்
நார்ச்சத்து அதிகம் உள்ள இலைவகை காய்கறிகளை உணவில் அதிகமாக சேர்க்க வேண்டும்.
வைட்டமின் B காம்ப்ளக்ஸ், வைட்டமின் C, வைட்டமின் E மற்றும் மக்னீசியம் நிறைந்த காய்கறிகள் நரம்புகளை அமைதிப்படுத்தும்.
இவை ரத்த ஓட்டத்தை சீராக்கி, நரம்பு சார்ந்த வலி மற்றும் சோர்வை குறைக்க உதவுகின்றன.
🐟 அசைவ உணவுகள்
மீன் வகைகளில் சால்மன், டூனா, மத்தி, கானாங்கெழுத்தி போன்ற ஒமேகா–3 கொழுப்பு அமிலம் நிறைந்த மீன்கள் நரம்பு ஆரோக்கியத்திற்கு மிகச் சிறந்தவை.
இவற்றில் உள்ள அழற்சி எதிர்ப்பு பண்புகள் நரம்புகளில் ஏற்பட்ட பாதிப்புகளை சரிசெய்து மீளுருவாக்கம் செய்ய உதவுகின்றன.
மேலும் புரதம் அதிகம் உள்ள சிக்கன், டோஃபு, பனீர் போன்ற உணவுகளில் இருக்கும் வைட்டமின் B12,
நரம்பு மண்டலத்தை வலுப்படுத்தி நரம்பு வலியை குறைக்க உதவுகிறது.
