ஜீனி பூதமாக மாறிய வில்ஸ்மித்!

அலாவுதினும் அற்புத விளக்கும் படம் சிறு வயதிலேயே நாம் அனைவரும் பார்த்த ஒன்று தான். ரஜினி, கமல் நடிப்பில் உருவான அந்த படத்தில், பூதமாக வில்லன் நடிகர் அசோகன் அசத்தியிருப்பார்.

அலாவுதின் கதை அரேபியன் நைட்ஸ் என்ற புத்தகத்தில் இடம்பெற்ற ஒரு கதை தான். உலகம் முழுவதும் இதனை பல்வேறு நாடுகளில் பல்வேறு மொழிகளில் படமாகவும், சின்னத்திரை தொடராகவும், கார்ட்டூனாகவும் எடுத்துள்ளனர்.

இந்நிலையில், ஹாலிவுட்டின் பிரபல தயாரிப்பு நிறுவனமான டிஸ்னி, அலாதீன் எனும் தலைப்பில் இந்த படத்தை பிரம்மாண்ட பொருட்செலவில் எடுத்துள்ளது.

வரும் மே 24ல் வெளியாகவுள்ள இந்த படத்தின் சீக்ரெட் லுக் டீஸர் தற்போது வெளியிடப்பட்டு வைரலாகியுள்ளது.

இந்த படத்தில் ஜீனி பூதமாக பிரபல ஹாலிவுட் சூப்பர் ஹீரோ வில்ஸ்மித் நடித்துள்ளார்.

அவர், தனது ஜீனி லுக் வீடியோவை தனது இன்ஸ்டாகிராம் பக்கம் மூலம் ஷேர் செய்துள்ளார்.

டிஸ்னியும் தனது யூடியூப் பக்கத்தில் அந்த டீஸரை வெளியிட்டுள்ளது.