விஜய் ரசிகர்களுக்கு விருந்தளித்த ஜி.வி. பிரகாஷ்!

ராஜீவ் மேனன் இயக்கத்தில் உருவாகியுள்ள சர்வம் தாள மயம் படத்தில் இடம்பெற்றுள்ள பீட்டர் பீட்ட ஏத்து பாடலின் முழு வீடியோ படம் ரிலீசாவதற்கு முன்னமே வெளியாகியுள்ளது.

வரும் பிப்ரவரி 1ம் தேதி ஜி.வி. பிரகாஷ் நடிப்பில், ராஜீவ் மேனன் நீண்ட இடைவெளிக்குப் பின்னர் இயக்கும் சர்வம் தாள மயம் படம் ரிலீசாகிறது. இந்த படத்திற்கு ஏ.ஆர். ரஹ்மான் இசையமைத்துள்ளார். படத்தில் இடம்பெற்றுள்ள பாடல்கள் அனைத்தும் வெளியாகி வைரலான நிலையில், தற்போது பீட்டர் பீட்ட ஏத்து பாடலின் முழு வீடியோவை படக்குழு வெளியிட்டுள்ளது.

விஜய் ரசிகரான ஜி.வி. பிரகாஷ், இந்த படத்திலும் விஜய் ரசிகராகவே நடிக்கிறார். இசையில் ஆர்வம் உள்ள ஜி.வி. மெர்சல் படத்தின் முதல் நாள் காட்சியில் தியேட்டருக்கு சென்று ஆடி பாடி மகிழும் பாடலாக இந்த பீட்டர் பீட்ட ஏத்து பாடல் உருவாகியுள்ளது.

இந்த பாடல் அனைத்து விஜய் ரசிகர்களுக்கும் உற்சாகமூட்டும் ஃபேன் முமெண்ட் பாடலாக மாறியுள்ளது குறிப்பிடத்தக்கது.