கமல் வெளியேறியதற்கு ‘விக்ரம்’ சூட்டிங் காரணமல்ல: வனிதாவின் பகீர் பேட்டி!

கமல்ஹாசன் பிக்பாஸ் அல்டிமேட் நிகழ்ச்சியில் இருந்து விலகியதற்கு காரணம் ‘விக்ரம்’ படப்பிடிப்பு அல்ல என வனிதா பேட்டி ஒன்றில் பகீர் தகவலை தெரிவித்துள்ளார்.

பிக்பாஸ் நிகழ்ச்சியை கடந்த சில நாட்களாக தொகுத்து வழங்கிய கமல்ஹாசன் திடீரென அந்த நிகழ்ச்சியில் இருந்து விலகினார். இது குறித்து அவர் வெளியிட்ட அறிக்கையில் ‘விக்ரம்’ படத்தின் படப்பிடிப்பு காரணமாக விலகுவதாகவும், மீண்டும் பிக் பாஸ் சீசன் 6 நிகழ்ச்சியில் சந்திப்போம் என்றும் கூறியிருந்தார்.

இந்த நிலையில் கமல்ஹாசன் விலகிய ஒரு சில நாட்களிலேயே அந்த நிகழ்ச்சியில் இருந்து வனிதாவும் விலகிவிட்டார்.இந்த நிலையில் சமீபத்தில் அளித்த பேட்டியில் வனிதா கூறிய போது கமல்ஹாசன் ‘விக்ரம்’ படத்தின் படப்பிடிப்பிற்காக விலகவில்லை என்றும் அதன் உண்மையான காரணம் வேறு என்றும் கூறியிருந்தார்.

கமல்தான் ‘விக்ரம்’ படத்தின் தயாரிப்பாளர் என்பதால் அவர் நினைத்தால் வேறு தேதிகளில் படப்பிடிப்பை மாற்றி இருக்கலாம் என்றும் பிக்பாஸ் நிகழ்ச்சி சரியான கோணத்தில் செல்லாததால் பிக்பாஸ் நிர்வாகத்தினரின் போக்கு பிடிக்காமல் தான் கமல்ஹாசன் வெளியேறிவிட்டதாக வனிதா கூறினார். இந்த பேட்டி பெரும் பரபரப்பை ஏற்படுத்தி உள்ளது.