இது 100 பர்சன்ட் தெலுங்கு படம்ப்பா! டோலிவுட்டில் சக்கைப் போடு போடும் வாரிசு; தில் ராஜு சம்பவம்!

தயாரிப்பாளர் தில் ராஜு டோலிவுட்டில் வாரிசு படத்தின் ரிலீஸை பின் வாங்கியதும் ஒரு விதத்தில் நல்லதாகவே மாறி உள்ளது. பாலய்யாவின் வீர சிம்ஹா ரெட்டி மற்றும் சிரஞ்சீவியின் வால்டர் வீரய்யா படங்களுக்கு நெகட்டிவ் விமர்சனங்கள் குவிந்த நிலையில், வாரசுடு படம் இன்று திரையரங்குகளில் பெரும் வரவேற்பை பெற்றுள்ளன.

தமிழ் சினிமாவில் விஜய் ரசிகர்கள் என சொல்லிக் கொள்ளும் ரசிகர்கள் கூட வாரிசு படத்திற்கு முதல் நாள் ஷோவில் கூட இப்படியொரு கொண்டாட்டம் போட்டதை எங்கேயும் பார்க்க முடியவில்லை. ஆனால், ஆந்திரா, தெலங்கானா மற்றும் நிஜாம் உள்ளிட்ட இடங்களில் படம் ஆரம்பமானது முதல் முடியும் வரை ரசிகர்கள் பேப்பரை தூக்கிப் போட்டு தியேட்டரை கொண்டாட்ட களமாக மாற்றி விட்டனர்.

ட்விட்டர் உள்ளிட்ட சமூக வலைதளங்களில் வாரிசு படத்தின் தெலுங்கு வெர்ஷனை பார்த்த ரசிகர்கள் மாஸ் இருக்கு, ஃபைட் இருக்கு, சென்டிமென்ட் இருக்கு, காமெடி இருக்கு, விஜய் டான்ஸ் இருக்கு என தில் ராஜு போலவே பேட்டி கொடுத்து படத்தை கொண்டாடி வருகின்றனர்.

தெலுங்கு இயக்குநர் வம்சி இயக்கினால், தெலுங்கு படமாக வராம பின்ன தமிழ் படமாவா வரும் என நெட்டிசன்கள் மீம் போட்டு தெறிக்கவிடும் அளவுக்கு டோலிவுட் ஆடியன்ஸுக்கு வாரிசு படம் பிடித்துள்ளதாக தகவல்கள் வெளியாகி உள்ளன. முதல் நாள் கலெக்‌ஷன் டோலிவுட்டில் பெருமளவில் இருக்கும் என்றும் எதிர்பார்க்கப்படுகிறது.

விஜய்யின் வாரிசு படம் முதல் 3 நாட்களிலேயே 100 கோடி வசூல் குவித்ததாக டிராக்கர்கள் மற்றும் விநியோகஸ்தர்கள் கொண்டாடி வருகின்றனர். குறைந்த பட்சம் 300 கோடி வசூல் செய்தால் தான் 180 கோடி பட்ஜெட்டில் எடுக்கப்பட்ட இந்த படம் பிளாக்பஸ்டர் ஹிட் அடிக்கும் என்கின்றனர்.