Movie review: ‘சரண்டர்’ எப்படி இருக்கு தெரியுமா?

இயக்குநர் ‘ஈரம்’ அறிவழகனின் உதவி இயக்குநர் கௌதம் கணபதி இயக்கத்தில் ‘சரண்டர்’ படம் இன்று வெளியாகியுள்ளது.

சிறிய பட்ஜெட்டில் வெளியாகி வெற்றி பெறும் மலையாள படங்களை போன்று ‘சரண்டர்’ திரில்லர் டிராமா படம். பிக்பாஸ் தர்சன் மற்றும் லால் நடித்துள்ளனர். நீண்ட நாட்களுக்கு பிறகு தர்சனின் படம் இன்று வெளியாகியுள்ளது.

இந்த படத்தின் கதை சுருக்கமாக சொல்ல வேண்டும் என்றால், சட்டசபைத் தேர்தல் நடக்க இன்னும் 5 நாட்களேஇருக்கும் நிலையில் சென்னையின் புறநகர் காவல் நிலையமான திருமழிசை ஸ்டேஷனில் ஒரு கைத்துப்பாக்கி காணாமல் போகிறது.

ஆறு மாதத்தில் பணி ஓய்வு பெறவிருக்கும் ரைட்டர் லாலின் பொறுப்பில் இருக்கும் இந்த கைத்துப்பாக்கியை அதே போலீஸ் ஸ்டேஷினில் பயிற்சி எஸ்.ஐ. ஆக  இருக்கும் தர்ஷன் தேடுகிறார். அதேபோல் இந்த படத்தில் தாதாவாக வரும் சுஜித்சங்கரிடம் அந்த தொகுதியில் வாக்காளர்களுக்குப் பணப் பட்டுவாடா செய்யும்படி பல கோடிகள் கொடுக்கப்படுகிறது.

அந்தப் பணத்தை அவருடைய ஆட்கள் தொலைத்துவிடுகிறார்கள். துப்பாக்கியைத் தேடி தர்ஷனின் குழுவும் பணத்தைத் தேடி தாதா குழுவும் செல்லும் போது ஒரு புள்ளியில் சந்தித்து மோதிக்கொள்கிறார்கள். இதுதான் கதை. இந்த படம் ஆக்‌ஷன் கம் எமோஷனல் கலந்த டிராமா.