’தளபதி 67’ படத்தில் ஷாருக்கான்? அட்லியின் மெகா திட்டம்!

தளபதி விஜய் நடிக்கவிருக்கும் 66வது படத்தின் பூஜை மற்றும் படப்பிடிப்பு நேற்று தொடங்கிய நிலையில் இந்த படத்தின் படப்பிடிப்பை நான்கு மாதங்களில் முடிக்க படக்குழு திட்டமிட்டுள்ளது. அதன் பிறகு இந்த ஆண்டு இறுதியில் தளபதி 67 படத்தின் படப்பிடிப்பு தொடங்கும் என்று எதிர்பார்க்கப்படுகிறது.

இந்த நிலையில் தளபதி 67 படத்தை இயக்கும் இயக்குனர்களின் பட்டியலில் முதலிடத்தில் அட்லி இருப்பதாகவும் அவர் தான் அந்த படத்தை இயக்குவது என கிட்டத்தட்ட உறுதி செய்யப்பட்டு விட்டதாகவும் கூறப்படுகிறது.

மேலும் அட்லி தற்போது ஷாருக்கான் படத்தை இயக்கி வரும் நிலையில் இந்த படத்தின் படப்பிடிப்பின்போது விஜய் மற்றும் ஷாருக்கான் இருவரும் இணைந்து நடிக்கும் ஒரு படத்தின் கதையை கூறியதாகவும் அந்த கதை ஷாருக்கானுக்கு பிடித்து விட்டதை அடுத்து விஜய்யுடன் இணைந்து நடிக்க ஒப்புக் கொண்டதாகவும் கூறப்படுகிறது.

எனவே தளபதி67 படத்தில் விஜய் மற்றும் ஷாருக்கான் இணைந்து நடிக்க வாய்ப்பு இருப்பதாகவும் இது இரண்டு நாயகர்களில் மாஸ் கதை என்றும் இந்த படம் இந்தியா மட்டுமின்றி உலகம் முழுவதும் ஹிட்டாகும் வகையில் அமைந்த ஒரு ஆக்ஷன் கதை என்று கோலிவுட் திரையுலகில் கூறப்படுகிறது. இது எந்த அளவுக்கு உண்மை என்பதை பொறுத்திருந்து பார்ப்போம்.