மையோனைஸுக்கு தமிழ்நாடு அரசு ஓராண்டு தடை – பொது நலன் கருதி கடும் முடிவு!

மையோனைஸுக்கு ஓராண்டு தடை – தமிழ்நாடு அரசின் முக்கிய அறிவிப்பு!

முட்டை அடிப்படையிலான மையோனைஸ் தயாரிப்புகள் மீது, ஓராண்டு காலத்திற்கான தடை உத்தரவை தமிழ்நாடு அரசு அறிவித்துள்ளது. ஏப்ரல் 8ஆம் தேதி முதல் அமலில் இருக்கும் இந்த உத்தரவு, உணவுப் பாதுகாப்பு மற்றும் தரநிர்ணயச் சட்டத்தின் கீழ் நடைமுறைக்கு வருகிறது.

மையோனைஸை முறையற்ற முறையில் தயாரித்தல், முறையாக சேமிக்கப்படாமை, மற்றும் சுகாதார நெறிமுறைகள் பின்பற்றப்படாமை ஆகியவைகள் பொதுநலத்திற்கு பெரும் ஆபத்தாக இருக்கலாம் என அரசு எச்சரித்துள்ளது.

எங்கு எதற்கு தடை?
இந்த தடை உத்தரவின்படி, தமிழ்நாட்டில் எந்தவொரு பகுதியில் மையோனைஸ் தயாரிப்பு, சேமிப்பு, விநியோகம் மற்றும் விற்பனை ஆகியவை அனைத்தும் தடை செய்யப்படுகிறது.

மையோனைஸின் ஆபத்துகள் என்ன?
மையோனைஸில் பொதுவாக எண்ணெய், வினிகர் அல்லது எலுமிச்சை சாறு மற்றும் முட்டையின் மஞ்சள் கரு ஆகியவை சேர்க்கப்படுகின்றன. இதனால் அதில் அதிகமான கொழுப்பு, கலோரிகள் மற்றும் கொலஸ்ட்ரால் காணப்படுகிறது. தவறாக சேமிக்கப்படும் மையோனைஸால் உணவுப் பாய்சனிங் ஏற்படக்கூடிய அபாயம் உள்ளது. குறிப்பாக Salmonella பாக்டீரியாவால் இது ஏற்பட வாய்ப்பு உள்ளது.

பொது நலனுக்காக தீர்மானம்!
ஊட்டச்சத்து குறைவானதும், சுகாதாரத்திற்கு தீங்கானதும் என்று அடையாளப்படுத்தப்பட்ட மையோனைஸுக்கு, பொதுமக்கள் நலனுக்காக இந்த தடை விதிக்கப்பட்டுள்ளது. மக்கள் முக்கியமாக ஷவர்மா, சிக்கன் போன்ற உணவுகளுடன் இதனை விரும்பி சாப்பிடுகின்றனர். ஆனால் தற்போது இந்த பழக்கத்தில் ஒரு இடைவேளை வரும்.