ரஜினிகாந்த் மகள் கர்ப்பமா? ரஜினி குடும்பத்தினர் மகிழ்ச்சி!

சூப்பர் ஸ்டார் ரஜினியின் இரண்டாவது மகள் சௌந்தர்யா ரஜினிகாந்த் கர்ப்பமாக இருப்பதாக தகவல்கள் வெளிவந்து கொண்டிருக்கின்றன.

சூப்பர் ஸ்டார் ரஜினிகாந்தின் மூத்த மகள் ஐஸ்வர்யா தனுஷுக்கு இரண்டு குழந்தைகள் உள்ளனர் என்பதும் இரண்டாவது மகள் சௌந்தர்யாவுக்கு வேத் என்ற ஒரு மகன் உள்ளார் என்பதும் தெரிந்ததே.

இந்த நிலையில் கடந்த 2019ஆம் ஆண்டு சௌந்தர்யா, நடிகர் விசாகனை திருமணம் செய்து கொண்டார். இந்த திருமணத்தில் எடப்பாடி பழனிசாமி, முக ஸ்டாலின், கமல்ஹாசன் உள்பட பலர் கலந்து கொண்டனர்.

இந்த நிலையில் திருமணமாகி இரண்டு ஆண்டுகள் கழித்து தற்போது சௌந்தர்யா கர்ப்பமாகி உள்ளதாகவும் இன்னும் ஒரு சில மாதங்களில் அவருக்கு குழந்தை பிறக்கும் என்றும் கூறப்படுகிறது.

அமெரிக்காவில் இருந்து திரும்பி வந்த ரஜினிகாந்திடம் இந்த செய்தியை சௌந்தர்யா தெரிவித்ததாகவும் இதனை அடுத்து அவரது குடும்பத்தினர் மகிழ்ச்சியாக இருப்பதாகவும் கூறப்படுகிறது.