தேர்தல் பிரசாரமாக வெளியாகும் பிஎம் நரேந்திர மோடி!

பிரதமர் மோடியின் வாழ்க்கை வரலாறு பயோபிக் படமாக பிஎம் நரேந்திர மோடி என்ற பெயரில் உருவாகி வருகிறது. சுமார் 23 மொழிகளில் இந்த படத்தை ரிலீஸ் செய்ய படக்குழு திட்டமிட்டுள்ளது.

இந்த படத்தில் மோடியாக விவேக் ஓபராய் நடித்துள்ளார். வரும் மக்களவை தேர்தல் அடுத்த மாதம் நடைபெற உள்ளதால், ஏப்ரல் 12ம் தேதியே படத்தை ரிலீஸ் செய்ய படக்குழு திட்டமிட்டுள்ளது.

மேலும், இந்த படத்தில் மோடி முதல்வரானது முதல் பிரதமரானது வரை, மற்றும் கடந்த ஐந்து ஆண்டுகளில் அவர் ஆற்றிய பணிகள் குறித்து, பாஜகவினருக்கு சாதகமாக தேர்தல் பிரசார படமாக எடுக்கப்பட்டுள்ளது.

தேர்தலின் போது, அனைத்து மாநிலங்களிலும் இந்த படம் வெளியானால், அது தேர்தல் பிரசாரமாக அமைந்துவிடும் என காங்கிரஸ் கட்சி சார்பில், இந்த படத்தின் வெளியீட்டு தேதியை தள்ளி வைக்க வழக்கு தொடரவுள்ளதாகவும் தகவல்கள் வெளியாகியுள்ளது.